بٷگٸن ەلورداداعى EXPO كٶرمە كەشەنٸنٸڭ الاڭىندا ەلٸمٸزدٸڭ باس شىرشاسىن جاعۋ رەسٸمٸ ٶتتٸ, دەپ حابارلايدى استانا ەكٸمدٸگٸنٸڭ رەسمي سايتى.
شىرشانىڭ بيٸكتٸگٸ — 25 مەتر. ول جٷزدەگەن شامشىراقپەن بەزەندٸرٸلگەن. مەرەكەنٸڭ باستى اتريبۋتىن بەزەندٸرۋدە 750 مەتر گيرلياند, 360 بٸرلٸك جارىقشام جەنە 900-دەن استام شىرشا شارى قولدانىلدى.
شىرشانى جاعۋ رەسٸمٸ باستالار الدىندا ەلوردا تۇرعىندارى مەن قوناقتارىنا «عاجايىپتار تٷنٸ» ەرتەگٸ مۇز-شوۋى كٶرسەتٸلدٸ. ەلٸمٸزدٸڭ باستى شىرشاسىن بٷلدٸرشٸندەر, ەلوردا ەكٸمٸ جەڭٸس قاسىمبەك, اياز اتا مەن اقشاقار بٸرلەسە جاعىپ, ساحنادا قازاقستاندىق ەرتٸستەر جەنە ت.ب. ٶنەر كٶرسەتتٸ.
«قۇرمەتتٸ ەلوردامىزدىڭ تۇرعىندارى مەن قوناقتارى, جاڭا جىل قارساڭىندا سٸزدەرگە مەرەكەلٸك كٶڭٸل-كٷي, قۋانىش, وتباسىلارىڭىزعا زور دەنساۋلىق تٸلەيمٸن! استانامىز دامىپ, ٶركەندەي بەرسٸن! الداعى جىل قالا ٷشٸن بەرەكەلٸ بولسىن! بٷگٸن جاڭا جىل مەرەكەسٸن باستاعالى وتىرمىز. مۇنداي ٸس-شارالار ەلٸ دە كٶپ بولادى. قالامىزدىڭ بارلىق اۋدانىندا مۇز ايدىندارى مەن سىرعاناقتار ورناتىلىپ جاتىر, وندا ەربٸر ادام بوس ۋاقىتىن كٶڭٸلدٸ ٶتكٸزە الادى», — دەدٸ استانا ەكٸمٸ جەڭٸس قاسىمبەك.
ٸس-شارا Astana Muz Fest اۋقىمدى قىسقى فەستيۆال اياسىندا ٶتكٸزٸلدٸ. بٷگٸن مۇز ايدىندارى, سلايدتار, جاڭا جىلدىق جەرمەڭكە جەنە ت.ب. بار قىسقى قالا ٶز جۇمىسىن باستادى.
