Foto: 5koleso.ru
Astanada ekologiialyq standarttarǵa sáikes kelmeitin júk kólikterin zańsyz importtaý faktisi boiynsha tergeý aiaqtaldy. Bul týraly Qarjylyq monitoring agenttigi habarlady.
Tergeý málimetinshe, bir top adam óz baqylaýyndaǵy JShS-lar arqyly Qytaidan «Eýro-2» ekologiialyq klasyna jatatyn FAW markaly júk kólikterin zańsyz ákelýdi uiymdastyrǵan.
Atalǵan tehnika qoldanystaǵy talaptarǵa qaishy túrde importtalǵan. Qazaqstanda «Eýro-4»-ten tómen ekologiialyq standarttaǵy kólikterdi ákelýge tyiym salynǵan.
Agenttik dereginshe, kólikter syrtqy ekonomikalyq kelisimsharttar negizinde jetkizilip, kedendik rásimdeý kezinde jalǵan qujattar paidalanylǵan. Atap aitqanda, qaýipsizdik sertifikattary qoldan jasalyp, onda «Eýro-5» klasy kórsetilgen.
Nátijesinde el aýmaǵyna 20 júk kóligi zańsyz engizilgen. Olardyń jalpy kedendik quny 284 mln teńgeden asqan.
Keiin bul tehnika bailanysty kompaniialar arqyly satylyp, memlekettik satyp alý aiasynda 600 mln teńgeden astam somaǵa ótkizilgen.
Sot sanktsiiasymen kúdiktilerdiń 9 avtokóligi men bir páterine tyiym salyndy. Kúdiktilerdiń biri qamaýǵa alynsa, taǵy eki adamǵa elden shyqpaý týraly bultartpaý sharasy qoldanylǵan.
Aita keteiik, «Eýro-2» klasyna jatatyn kólikter «Eýro-4» jáne «Eýro-5» standarttarymen salystyrǵanda qorshaǵan ortaǵa áldeqaida kóp ziian keltiredi.
