27 maýsym kúni saǵat 20.00-de «Astana Arena» stadionynda Dimash Qudaibergenniń kontserti ótedi, osyǵan bailanysty Turan jáne Qabanbai batyr dańǵyldary boiynda kólik qozǵalysyna shekteý qoiylady, dep habarlaidy Astana qalalyq IID Jergilikti politsiia qyzmeti.
Saǵat 19.00-den bastap kontsert aiaqtalǵanǵa deiin Turan jáne Qabanbai batyr dańǵyldarynan, Jánibek, Kerei handar kóshesinen Uly dala kóshesine deiingi aralyqtaǵy kólik qozǵalystary shekteledi. Máńgilik el, Túrkistan, Aqmeshit kóshelerimen ainalyp ótýge keńes beriledi.
Dimash Qudaibergen óner kórsetetin kúni stadionǵa №10, 12, 27, 37, 40, 51, 53, 501, 502, 503, 505, 506 qoǵamdyq kólikterimen jetýge bolady.
Saǵat 18.00-den bastap tórt jerden: «Qazaqstan» SK avtoturaǵy, «Nur Astana» meshitiniń aldy, elordalyq tsirk avtoturaǵy jáne «Jastar» saraiy aldynan kórermenderdi «Astana Arenaǵa» jetkizetin arnaiy kólikter uiymdastyrylady.
Arnaiy reis avtobýstaryndaǵy jol aqysy 90 jáne 150 teńgeden, jol júrý biletteri jaramsyz.
Kontsert aiaqtalǵannan keiin osy reistik avtobýstarmen nemese № 10, 12, 27, 37, 28, 40, 51, 53, 501, 502, 503, 505, 506 qoǵamdyq kólikterimen qalaǵa jetýge bolady.
