Foto: Sputnik / Abzal Kaliev
QMA elordalyq departamentiniń qyzmetkerleri Astanadaǵy «Chia Tai Tianqing Pharmaceutical» JShS qurylymdyq bólimshesiniń basshylyǵyna qatysty taǵy bir sotqa deiingi tergeýdi aiaqtady, dep habarlaidy "Ult aqparat" Qarjylyq monitoring agenttigine silteme jasap.
Vedomstvo málimetinshe, kompaniia ózin Qytaida farmatsevtikalyq preparattar men meditsinalyq jabdyqtardy óndirý jáne eksporttaýmen ainalysady dep kórsetken.
Salymshylarǵa aqshany kóptegen jobalar boiynsha tabystylyǵy joǵary qyzmetke investitsiialaý usynylǵan.
"Tergeý barysynda qurylymdyq bólimsheniń basshysyna qatysty «qamaý» bultartpaý sharasy tańdaldy.
101 salymshydan tartylǵan qarajattyń jalpy somasy 168,5 mln teńgeni qurady.
QR QPK 201-babynyń talaptaryna sáikes sotqa deiingi tergep-tekserýdiń ózge de derekteri jariia etilýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi" - delingen habarlamada.
