Astanada búgin Siriia daǵdarysyn beibit retteý jónindegi kelissóz bastalady. Qzaqstan syrtqy ister ministrliginiń habarlaýynsha, Siriia úkimeti men Siriiadaǵy oppozitsiiashyl kóterilisshiler qatysatyn kelissóz búgin Rixos President Astana qonaqúiinde Astana ýaqyty boiynsha saǵat 13-te bastalyp, 24 qańtar kúni saǵat 13-te aiaqtalady dep josparlanǵan. 24 qańtar kúni kelissóz aiaqtalǵan soń saǵat 14-te qorytyndy brifing ótkizý jospary bar. Kelissóz jabyq túrde ótedi.
Syrtqy ister ministri Qairat Abdrahmanov keshe keshke Astanada Siriia úkimeti delegatsiiasynyń basshysy, Siriianyń BUU-daǵy turaqty ókili Bashar ál-Djaffarimen, Siriia oppozitsiiasy delegatsiiasynyń basshylyǵymen kezdesip, kelissózge daiyndyq máselelerin talqylaǵan.
Kelissóz Resei, Iran jáne Túrkiianyń araaǵaiyndyǵymen ótpek. Kelissózge BUU-nyń Siriia boiynsha arnaiy ókili Staffan de Mistýra da qatysady.
Siriia daǵdarysynda Resei men Iran Siriia prezidenti Bashar Asad úkimetin, Túrkiia qarýly oppozitsiiashyl toptardy qoldaidy.
