Foto: Freepik
Astananyń Densaýlyq saqtaý basqarmasy biikten qulaǵan alpinisterdiń jaǵdaiy týraly aitty, - dep habarlaidy Tengrinews.kz saity.
Vedomstvonyń baspasóz qyzmeti málimetinshe, 12 qazanda №2 qalalyq aýrýhanaǵa qurylys alańynda biikten qulap zardap shekken úsh adam túsken.
"Úsheýine de kóptegen jumsaq tinderdiń jaraqaty, qabyrǵa, jambas súiekteriniń jabyq synýy, ishki aǵzalardyń zaqymdanýy, joǵary dárejeli shok jáne travmatikalyq jaǵdai diagnozy qoiyldy", - delingen vedomstvo habarlamasynda.
Zardap shekkender jansaqtaý bólimderine jatqyzylyp, jaraqattaryna hirýrgiialyq em júrgizilgen.
"Kóptegen aýyr jaraqat saldarynan 1999 jyly týǵan zardap shegýshi 12 qazanda saǵat 17:40-ta qaza boldy", - dep tolyqtyrdy baspasóz qyzmeti.
13 qazandaǵy jaǵdai boiynsha 1999 jáne 2002 jyly týǵan taǵy eki zardap shegýshi jansaqtaý bóliminde jatyr, olardyń jaǵdaiy asa aýyr dep baǵalanyp otyr.
Eske sala keteiik, 12 qazanda túste Astanadaǵy qurylys nysandarynyń birinde tórt ónerkásiptik alpinist biikten qulap ketken bolatyn. 24 jastaǵy jumysshy alǵan jaraqattarynan oqiǵa ornynda kóz jumǵan.
