فوتو: Freepik
استانانىڭ دەنساۋلىق ساقتاۋ باسقارماسى بيٸكتەن قۇلاعان الپينيستەردٸڭ جاعدايى تۋرالى ايتتى, - دەپ حابارلايدى Tengrinews.kz سايتى.
ۆەدومستۆونىڭ باسپاسٶز قىزمەتٸ مەلٸمەتٸنشە, 12 قازاندا №2 قالالىق اۋرۋحاناعا قۇرىلىس الاڭىندا بيٸكتەن قۇلاپ زارداپ شەككەن ٷش ادام تٷسكەن.
"ٷشەۋٸنە دە كٶپتەگەن جۇمساق تٸندەردٸڭ جاراقاتى, قابىرعا, جامباس سٷيەكتەرٸنٸڭ جابىق سىنۋى, ٸشكٸ اعزالاردىڭ زاقىمدانۋى, جوعارى دەرەجەلٸ شوك جەنە تراۆماتيكالىق جاعداي دياگنوزى قويىلدى", - دەلٸنگەن ۆەدومستۆو حابارلاماسىندا.
زارداپ شەككەندەر جانساقتاۋ بٶلٸمدەرٸنە جاتقىزىلىپ, جاراقاتتارىنا حيرۋرگييالىق ەم جٷرگٸزٸلگەن.
"كٶپتەگەن اۋىر جاراقات سالدارىنان 1999 جىلى تۋعان زارداپ شەگۋشٸ 12 قازاندا ساعات 17:40-تا قازا بولدى", - دەپ تولىقتىردى باسپاسٶز قىزمەتٸ.
13 قازانداعى جاعداي بويىنشا 1999 جەنە 2002 جىلى تۋعان تاعى ەكٸ زارداپ شەگۋشٸ جانساقتاۋ بٶلٸمٸندە جاتىر, ولاردىڭ جاعدايى اسا اۋىر دەپ باعالانىپ وتىر.
ەسكە سالا كەتەيٸك, 12 قازاندا تٷستە استاناداعى قۇرىلىس نىساندارىنىڭ بٸرٸندە تٶرت ٶنەركەسٸپتٸك الپينيست بيٸكتەن قۇلاپ كەتكەن بولاتىن. 24 جاستاعى جۇمىسشى العان جاراقاتتارىنان وقيعا ورنىندا كٶز جۇمعان.
