BaiQymyz-2026 halyqaralyq gastronomiialyq festivaliniń alǵashqy kúni aiaqtalǵannan keiin «Qazanat» ippodromynyń aýmaǵynda ekologiialyq aktsiia ótti, dep habarlaidy elorda ákimdiginiń resmi saity.
Festival qonaqtary eriktilermen birge aýmaqty tazalaý jumysyna qatysyp, qalǵan qoqysty jinap, is-shara ótken oryndy retke keltirdi. Bul aktsiia merekelik baǵdarlamanyń jalǵasy retinde uiymdastyrylyp, qorshaǵan ortaǵa uqypty qaraýdyń mańyzyn taǵy bir márte kórsetti.
Qatysýshylardyń aitýynsha, mundai bastamalar kópshilik qatysatyn is-sharalardan keiin tazalyqty saqtaýǵa ǵana emes, ekologiialyq jaýapkershilik mádenietin qalyptastyrýǵa da yqpal etedi.
Eske salaiyq, BaiQymyz-2026 halyqaralyq gastronomiialyq festivali 11-12 shilde kúnderi elordadaǵy «Qazanat» ippodromynda ótip jatyr. Baǵdarlama aiasynda ulttyq taǵamdardyń dámin tatý, kórmeler, mádeni jáne sporttyq is-sharalar, at sporty shoýlary, otbasylyq alańdar men tanymal ónerpazdardyń kontsertteri uiymdastyrylǵan.
Foto: Astana qalalyq ákimdigi
Foto: Astana qalalyq ákimdigi
Foto: Astana qalalyq ákimdigi
