Astanada jeńil avtokólik kókónis satatyn dúńgirshekke soǵylyp, saldarynan 15 jastaǵy qyz jaraqat aldy, dep habarlaidy ult.kz.
Qalalyq Politsiia departamentiniń málimetinshe, kólik tizgininde 18 jastaǵy júrgizýshi bolǵan.
Aldyn ala aqparat boiynsha, júrgizýshi Esil aýdanyndaǵy Amanjol Bólekpaev kóshesimen kele jatyp, kólikti basqara almai, kókónis satatyn pavilonǵa soǵylǵan.
Jol-kólik oqiǵasy kezinde dúńgirshektiń ishinde bolǵan 15 jastaǵy qyz túrli jaraqat alyp, meditsinalyq mekemege jetkizildi. Qazir oǵan qajetti meditsinalyq kómek kórsetilip jatyr.
Atalǵan derek boiynsha tekserý bastaldy. Onyń qorytyndysy boiynsha tiisti protsestik sheshim qabyldanady.
