Qazir Astanadaǵy Keruen saýda ortalyǵynda Búkilálemdik aýtizm máselesi týraly aqparat taratý kúnine orai qaiyrymdylyq naýqany ótip jatyr. Onyń maqsaty – aýtizm problemasy bar ekenin barynsha nasihattaý. Bul týraly «Bolashaq» korporativtik qorynyń direktory Dinara Shaijúnisova málimdedi, dep habarlaidy Vaq.kz tilshisi.
Aýtizmi bar 50-den asa balanyń ata-analary, psiholog-pedagogikalyq túzetý kabinetteriniń (PPTK) ókilderi jáne qoǵamdyq uiymdar aqparat taratý maqsatynda qosylyp naýqan ótkizdi. Onda uiymdastyrýshylar halyqty aýtizm máselesi jaily habardar etip, erekshe kútimdi qajet etetin balalardy túsiný jáne qoldaýǵa shaqyrdy. Al, naýqandy uiymdastyrýshy «Bolashaq» KQ direktory Dinara Shaijúnisova naýqannyń maqsaty jóninde aityp berdi.
«2 sáýir aýtizm problemasyn násihattaý kúni ekenin bilemiz. Sondyqtan jeksenbi kúni qala halqy saýda ortalyqtaryna kóp keletindikten, osy jerde aktsiia ótkizýdi kózdedik. Maqsatymyz da sol – halyqty aýtizm problemasy týraly maksimaldy túrde aqparattandyrý», - dedi Dinara Shaijúnisova.
Onyń aitýynsha, aýtizm diagnozy bar bala men ózge balanyń arasyndaǵy aiyrmashylyqty baiqaý óte qiyn. Naýqanǵa qatysyp jatqan balalardyń barlyǵy – birdei, teń quqyly.
«Eger syrttan qarasańyz, aýtizm diagnozy bar bala men ózge balanyń aiyrmashylyǵyn baiqamaisyz. Olar qazir osy jerde birge sýret salyp, lego qurastyryp jatyr. Animatorlarmen oiyn oinap, qumǵa da sýret salyp jatyr. Tek olarǵa kishkene qoldaý men kómek kerek. Kei jerde daýysty qatty shyǵarmaý degen sekildi. Bul jerde aitarlyqtai erekshelik joq. Iaǵni barlyq balaǵa birdei daiyndaldyq. Sondyqtan, aýtizm bar, bizde osyndai problema bar degendi aitqymyz keledi. Aýtizmi bar balalardyń basqalardan shettetilmei, barlyǵymen birdei mektepke barýyn, qoǵammen aralasýyn qalaimyz», - dedi «Bolashaq» KQ direktory.
Álem boiynsha 67 000 000 adam aýtizmmen ómir súretinderin kóbi bile bermeidi, álemde ár 42–shi ul bala jáne ár 189–shy qyz bala aýtizm spektorynda.
Naýqan kezinde balalarǵa mýzykalyq jáne shyǵarmashylyq aimaqtar uiymdastyrylady. Onda: akvagrim, kórkemdik sheberlikter, molbertte sýret salý, tuzdy qamyrmen músindeý, lego-aimaqtary, animatorlardyń oiyn-saýyq baǵdarlamalary boldy. «Erekshe merekeler» qoǵamdyq uiymynyń mýzykanttary óner kórsetti.
3 000 aqparattyq flaerler taratylyp, naýqanǵa myńnan asa adamdar qatysty. Sonymen qatar, shara barysynda qonaqtarǵa 1 000 tg qaiyrymdylyq jarna berip óz dizainymen, jeke erekshe sýretimen sómke alýyna múmkindik boldy. Barlyq túsken qarajat «Bolashaq» korporativtik qorynyń «Ár bala mektepke laiyqty» jobasyn iske asyrýyna jiberiledi.
Kók túspen bir tilim pazl álemde aýtizm rámizi bolyp tabylatynyn esterińizge sala keteiik. Kók tús «aýtizm túsi» bolyp tabylmaidy. Kók – bul Autism Speaks atty úlken qoǵamdyq uiymnyń firmalyq belgisi (2005 jyly negizin qalaǵan), ózderiniń negizgi logotipine basylǵan kógildir tús jáne 2010 jyly bastaý alǵan «Kókpen jaq» uiymy óz marketingtik naýqanyn órbitýde.
Aita ketetin jait, inkliýzivti qoǵamdy damytý maqsatynda jáne erekshe kútimdi qajet etetin jandardyń teń múmkindik alýy úshin «Bolashaq» KQ 30 naýryzda jyl saiyn bastaý alatyn BAQ, media-mamandarmen áýesqoilar arasynda «Ár bala mektepke laiyqty» inkliýzivti bilim alý jaily eń úzdik aqparatqa 1 000 000 teńge utys jariialady. Baiqaýǵa qatysam deýshilerdi shaqyramyz. Qosymsha aqparatty osy saittan taba alasyzdar www.bolashakcharity.kz.
.jpeg)