8–10 tamyz aralyǵynda Astanada XI Spartakiada ótip jatyr. Oǵan Qazaqstannyń ár óńirinen 1 400-den astam qatysýshy jinaldy. Aýqymdy sporttyq shara «Samuryq-Qazyna» qorynyń 20 jyldyǵyna orai uiymdastyrylyp otyr.
Biyl jarystarǵa kólik, energetika, munai-gaz jáne basqa da strategiialyq mańyzdy salalar boiynsha qor men onyń portfeldik kompaniialarynda eńbek etetin mamandardan quralǵan 14 komanda qatysady.
Aýqymdy sporttyq dodada Qazaqstannyń ár óńirinen kelgen 1 400-den astam qyzmetker baq synasady. Olardyń basym bóligi - óndiristik mamandyq ieleri.
Baǵdarlamaǵa sporttyń 14 túri engizilgen. Olardyń qatarynda voleibol, basketbol, fýtzal, júzý, ústel tennisi, shahmat siiaqty toptyq jáne jeke jarystarmen qatar, sadaq atý, arqan tartý, t.b. sekildi ulttyq sport túrleri bar.
«Qor úshin sportty damytý – korporativtik mádeniettiń ajyramas bóligi ári toptyń áleýmettik jaýapkershiliginiń mańyzdy baǵyttarynyń biri. Biz sport infraqurylymyn damytýǵa investitsiia salý arqyly buqaralyq jáne balalar men jasóspirimder sportyn qoldaimyz, qyzmetkerlerimiz ben el turǵyndary úshin salaýatty ómir saltyn ustanýǵa jaǵdai jasaimyz. El boiynsha «Samuryq-Qazyna» qorynyń qoldaýymen 19 sport kesheni ashyldy, biyl 9 óńirde taǵy 11 sport kesheniniń qurylysy bastaldy», – dedi XI Spartakiadanyń ashylý rásiminde «Samuryq-Qazyna» basshysy Nurlan Jaqypov.
XI Spartakiada aiasynda «Taza Qazaqstan – Taza Sparta» ekologiialyq aktsiiasy da ótip jatyr. Naýqan barysynda qatysýshylar qaita óńdeý úshin plastik bótelkelerdi tapsyrady. Al jarys qorytyndysy boiynsha ekologiialyq eń jaýapty komandaǵa arnaiy marapat tabystalady.
