Foto ashyq derekkózden alyndy
Astanada turǵyndardan asa iri kólemde, jalpy somasy 200 million teńgeden asa qarajat alǵan Antares qarjy piramidasyn qurýshy men jetekshilerine qatysty sot úkimi shyqty, - dep habarlaidy Tengrinews.kz elordanyń aýdanaralyq sottyń qylmystyq ister jónindegi baspasóz qyzmetine silteme jasap.
2020 jyldyń mamyrynan 2021 jyldyń shildesine deiin sottalýshylar "qabyldanǵan mindettemelerdi qamtamasyz etetin kásipkerlik qyzmetke tartylǵan qarajatty paidalanbai jábirlenýshilerdiń aqshasyn tartyp, osy aktivterdi qaita bólý jáne basqalarynyń jarnalary esebinen bireýlerdi baiytý arqyly tabys tapty" dep habarlandy.
Is boiynsha Qazaqstannyń ártúrli qalasynan 33 turǵyn jábirlenýshi dep tanylǵan.
"Sottalǵandardyń kinási jábirlenýshiler men kýálardyń aiǵaqtary, aýditorlyq qorytyndylar men saraptamalar qorytyndysy, kelisim-sharttar jáne jábirlenýshilerdiń qarjy piramidasyna investitsiia salǵanyn rastaityn basqa da qujattarmen dáleldendi", - delingen habarlamada.
Sot úkimi boiynsha B. men I. qarjy piramidasyn quryp, ony basqarǵany úshin kináli dep tanyldy (QK-niń 217-baby, 3-bóligi, 2-tarmaǵy). B.-ǵa alty jyl alty aiǵa, al I.-ǵa qarjy uiymdarynda basshylyq qyzmet atqarý quqyǵynan aiyra otyryp, bes jyl alty aiǵa bas bostandyǵynan aiyrý jazasy taǵaiyndalǵan.
Jábirlenýshilerdiń azamattyq talaptary qanaǵattandyryldy. Úkim zańdy kúshine engen joq.
