فوتو اشىق دەرەككٶزدەن الىندى
استانادا تۇرعىنداردان اسا ٸرٸ كٶلەمدە, جالپى سوماسى 200 ميلليون تەڭگەدەن اسا قاراجات العان Antares قارجى پيراميداسىن قۇرۋشى مەن جەتەكشٸلەرٸنە قاتىستى سوت ٷكٸمٸ شىقتى, - دەپ حابارلايدى Tengrinews.kz ەلوردانىڭ اۋدانارالىق سوتتىڭ قىلمىستىق ٸستەر جٶنٸندەگٸ باسپاسٶز قىزمەتٸنە سٸلتەمە جاساپ.
2020 جىلدىڭ مامىرىنان 2021 جىلدىڭ شٸلدەسٸنە دەيٸن سوتتالۋشىلار "قابىلدانعان مٸندەتتەمەلەردٸ قامتاماسىز ەتەتٸن كەسٸپكەرلٸك قىزمەتكە تارتىلعان قاراجاتتى پايدالانباي جەبٸرلەنۋشٸلەردٸڭ اقشاسىن تارتىپ, وسى اكتيۆتەردٸ قايتا بٶلۋ جەنە باسقالارىنىڭ جارنالارى ەسەبٸنەن بٸرەۋلەردٸ بايىتۋ ارقىلى تابىس تاپتى" دەپ حابارلاندى.
ٸس بويىنشا قازاقستاننىڭ ەرتٷرلٸ قالاسىنان 33 تۇرعىن جەبٸرلەنۋشٸ دەپ تانىلعان.
"سوتتالعانداردىڭ كٸنەسٸ جەبٸرلەنۋشٸلەر مەن كۋەلاردىڭ ايعاقتارى, اۋديتورلىق قورىتىندىلار مەن ساراپتامالار قورىتىندىسى, كەلٸسٸم-شارتتار جەنە جەبٸرلەنۋشٸلەردٸڭ قارجى پيراميداسىنا ينۆەستيتسييا سالعانىن راستايتىن باسقا دا قۇجاتتارمەن دەلەلدەندٸ", - دەلٸنگەن حابارلامادا.
سوت ٷكٸمٸ بويىنشا ب. مەن ي. قارجى پيراميداسىن قۇرىپ, ونى باسقارعانى ٷشٸن كٸنەلٸ دەپ تانىلدى (قك-نٸڭ 217-بابى, 3-بٶلٸگٸ, 2-تارماعى). ب.-عا التى جىل التى ايعا, ال ي.-عا قارجى ۇيىمدارىندا باسشىلىق قىزمەت اتقارۋ قۇقىعىنان ايىرا وتىرىپ, بەس جىل التى ايعا باس بوستاندىعىنان ايىرۋ جازاسى تاعايىندالعان.
جەبٸرلەنۋشٸلەردٸڭ ازاماتتىق تالاپتارى قاناعاتتاندىرىلدى. ٷكٸم زاڭدى كٷشٸنە ەنگەن جوق.
