Foto: QR MAM
Roza Baǵlanova atyndaǵy «Qazaqkontsert» memlekettik akademiialyq kontserttik uiymynyń «Astana Musical» memlekettik teatry «Roza Baǵlanova» miýziklyn qoidy, dep habarlaidy Ult.kz.
Miýziklde KSRO jáne Qazaqstannyń halyq ártisi Roza Baǵlanovanyń bala kezi men jastyq shaǵy, soǵys jyldary, shyǵarmashylyq joly baiandalady.
Án padishasynyń taǵdyry, onyń erligi men Otanǵa degen súiispenshiligi qoiylymda sheber kórsetildi.
Miýzikldyń ár kórinisi - ánshi ómirbaianynyń tek epizody ǵana emes, sheksiz talanty, myqty rýhy jáne Otanǵa degen sheksiz mahabbaty kórinis tapqan shynaiy emotsiialar. Kórermen tek ánshiniń shyǵarmashylyq jolynyń jarqyn tustaryn ǵana emes, sonymen qatar maidan kúnderi, shyǵarmashylyq jetistikteri men ónerge degen jankeshtiligine kýá bolady. Teatr ártisteri milliondaǵan jannyń júreginen oryn tapqan, eń qiyn sátterde úmit syilaǵan ánshiniń beinesin áserli mýzykalyq nómirler, júrek tebirenter monologtar men kerbez horeografiia arqyly jetkizedi.
Bul qoiylym Ońtústik Koreianyń Tegý qalasynda ótken XVII Halyqaralyq miýzikl festivalinde «Úzdik halyqaralyq miýzikl» jáne «Úzdik áiel beinesi» atty eki bedeldi marapatqa ie boldy.
Roza Baǵlanova rólin Zarina Makina, Ydyrysty (Roza Baǵlanovanyń inisi) Ashat Baitleý somdady. Qoiýshy-rejissery – «Astana Musical» memlekettik teatrynyń kórkemdik jetekshisi - Eslám Nurtazin. Kompozitory – Qazaqstannyń eńbek sińirgen qairatkeri – Artýr Orenbýrgskii.
