Elordalyq № 3 perinataldyq ortalyqta salmaǵy 5 400 gramm qyz bala dúniege keldi, dep habarlaidy elorda ákimdiginiń media ortalyǵy.
Dárigerlerdiń aitýynsha, ol Astanada sońǵy 20 jylda osyndai aýyr salmaqta týǵan úshinshi qyz bala.
"Náreste 13 jeltoqsanda dúniege keldi, onyń týǵandaǵy salmaǵy 5 400 gramm boldy. Bosaný esh qiyndyqsyz ótken. Bosanǵannan keiingi kezeń de qalypty boldy. Sábi men onyń anasynyń jaǵdaiy qalypty kúiinde úiine shyǵaryldy", — dedi media ortalyqtyń tilshisine bergen suhbatynda №3 perinataldyq ortalyqtyń bosaný bóliminiń meńgerýshisi Elmira Álimjan.
Ata-anasy eki uldan soń týǵan alyp qyzdyń esimin Jannur dep qoiypty.
Astana qalasynyń Densaýlyq saqtaý basqarmasy atap ótkendei, bas qalada salmaǵy 5 584 gramm bolǵan alǵashqy alyp qyz 2003 jyly №2 perinataldyq ortalyqta týǵan. Al 2014 jyly dúniege kelgen ekinshi alyp qyzdyń salmaǵy 5 750 gramm boldy. Sondai-aq, osy jyly elordada eń aýyr salmaqty ul bala dúniege keldi. Onyń týǵandaǵy salmaǵy 5,5 kg kórsetken.
