Foto: ashyq derekkóz
Astanada politsiia qyzmetkerleri tanymal dýbailyq shokoladty internet arqyly arzan baǵamen satý arqyly alaiaqtyq jasaǵan topty anyqtady. Alaiaqtar Instagram áleýmettik jelisinde qymbat shokoladty naryqtaǵy baǵadan tómen usynyp, adamdardy qyzyqtyrǵan, dep habarlaidy Ult.kz.
"Osylaisha, jergilikti turǵyndardyń biri alaiaqtarmen hat almasyp, tólem men jetkizý joldaryn talqylap, shamamen 15 myń teńgege bir plitka shokoladqa tapsyrys bergen. Aqshany bank kartasyna aýdarǵannan keiin, alaiaqtar ony buǵattap tastaǵan. Jábirlenýshi aldanǵanyn túsingen soń, politsiiaǵa júgingen", - delingen habarlamada.
Baiqońyr aýdanynyń kriminaldyq politsiia qyzmetkerleri jedel áreket etip, alaiaqtardy ustady. Tergeý barysynda kúdiktiler óz kinásin moiyndady, jáne alaiaqtyq faktisi boiynsha qylmystyq is qozǵaldy. Qazirgi ýaqytta olardyń osyǵan uqsas basqa qylmystarǵa qatysy bar-joǵy tekserilip jatyr.
