Foto: QR MAM
Astanada Ákeler kúnine arnalǵan X Respýblikalyq Ákeler forýmy ótti. Is-shara barysynda «HHI ǵasyr ákesi: áreketke shaqyrý» Deklaratsiiasy qabyldandy, dep habarlaidy Ult.kz.
Forýmdy Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiia men QR Mádeniet jáne aqparat ministrligi uiymdastyrdy.
Forýmǵa memlekettik organdardyń ókilderi, halyqaralyq uiymdardyń mamandary, qoǵam qairatkerleri men sarapshylar qatysty. Sharada ata-ana bolý, bala tárbiesi, psihikalyq densaýlyq jáne otbasylyq qaýipsizdik máseleleri talqylandy. Qatysýshylar Memleket basshysy Qasym-Jomart Toqaevtyń Ulttyq quryltaida aitqan tárbieniń mańyzy týraly baǵyttaryn basshylyqqa aldy. Prezidenttiń: «Tárbiesiz berilgen bilim – adamzattyń qas jaýy» degen sózi forýmnyń basty ideiasyna ainaldy.
Qabyldanǵan Deklaratsiiada áke bolýdyń qazirgi zamanǵy qundylyqtary aiqyndaldy. HHI ǵasyrdyń ákesi – balanyń ómirine belsendi qatysatyn, tárbieleý men bilim berý úderisinde jaýapkershilikti bólisetin tulǵa retinde sipattaldy. Qujatta genderlik teńdikti saqtaý, áielder quqyǵyn qurmetteý jáne turmystyq mindetterdi bólisý syndy qaǵidalarǵa basymdyq berilgen.
Deklaratsiiada 2030 jylǵa deiin ata-ana tárbiesine erlerdiń qatysýyn arttyrý, ákeler klýbtary men qaýymdastyqtaryn qurý jáne qoldaý mindettelgen. Forýmnyń maqsaty – jańa urpaqty qaýipsiz, úilesimdi ortada tárbieleý jáne otbasy qundylyqtaryn nyǵaitý.
