Erteń 12 mamyrda «Ǵashyqtar» saiabaǵynda aǵashtardy otyrǵyzý boiynsha ekologiialyq aktsiia ótedi. Keiinnen bul alleiaǵa qoǵam qairatkeri, Eńbek Eri, Qazaqstannyń halyq jazýshysy, Memlekettik syilyq iegeri Ábish Kekilbaevtiń esimi beriletin bolady, dep habarlaidy elorda ákimdiginiń resmi saity.
Ekologiialyq naýqan «Rýhani jańǵyrý» baǵdarlamasyn júzege asyrý aiasynda Astana qalasy «Esil» aýdany ákimi apparatynyń uiymdastyrýymen ótedi. Oǵan Á. Kekilbaevtiń jubaiy Klara Jumabaeva, jazýshynyń týǵan-týysqandary men Kekilbaevtar januiasynyń dos-jarandary, óskeleń urpaq ókilderi qatysady. Sonymen qatar, óz aǵashtaryn alleiada «Esil» aýdanynyń ákimi Tólegen Zakarianov pen elordanyń ziialy qaýym ókilderi otyrǵyzady dep kútilýde.
Osylaisha, «Astana Opera» opera jáne balet teatryna qarama qarsy ýchaskede qaraǵai, sibir shyrshasy, qyzyl sheten, usaq japyraqty shegirshin siiaqty aǵashtardyń 250-ge tarta kóshetin otyrǵyzý josparlanǵan.
