ەرتەڭ 12 مامىردا «عاشىقتار» ساياباعىندا اعاشتاردى وتىرعىزۋ بويىنشا ەكولوگييالىق اكتسييا ٶتەدٸ. كەيٸننەن بۇل اللەياعا قوعام قايراتكەرٸ, ەڭبەك ەرٸ, قازاقستاننىڭ حالىق جازۋشىسى, مەملەكەتتٸك سىيلىق يەگەرٸ ەبٸش كەكٸلباەۆتٸڭ ەسٸمٸ بەرٸلەتٸن بولادى, دەپ حابارلايدى ەلوردا ەكٸمدٸگٸنٸڭ رەسمي سايتى.
ەكولوگييالىق ناۋقان «رۋحاني جاڭعىرۋ» باعدارلاماسىن جٷزەگە اسىرۋ اياسىندا استانا قالاسى «ەسٸل» اۋدانى ەكٸمٸ اپپاراتىنىڭ ۇيىمداستىرۋىمەن ٶتەدٸ. وعان ە. كەكٸلباەۆتٸڭ جۇبايى كلارا جۇماباەۆا, جازۋشىنىڭ تۋعان-تۋىسقاندارى مەن كەكٸلباەۆتار جانۇياسىنىڭ دوس-جاراندارى, ٶسكەلەڭ ۇرپاق ٶكٸلدەرٸ قاتىسادى. سونىمەن قاتار, ٶز اعاشتارىن اللەيادا «ەسٸل» اۋدانىنىڭ ەكٸمٸ تٶلەگەن زاكاريانوۆ پەن ەلوردانىڭ زييالى قاۋىم ٶكٸلدەرٸ وتىرعىزادى دەپ كٷتٸلۋدە.
وسىلايشا, «استانا وپەرا» وپەرا جەنە بالەت تەاترىنا قاراما قارسى ۋچاسكەدە قاراعاي, سٸبٸر شىرشاسى, قىزىل شەتەن, ۇساق جاپىراقتى شەگٸرشٸن سيياقتى اعاشتاردىڭ 250-گە تارتا كٶشەتٸن وتىرعىزۋ جوسپارلانعان.
