Foto: Astana ákimdigi
Astanada Jeńis kúnine jáne Halyq qaharmany Baýyrjan Momyshulynyń týǵanyna 115 jyl tolýyna orai alyp portret-fotomozaika jasaldy. Erekshe patriottyq is-sharaǵa óner úiirmelerinen 600-den astam bala qatysty, dep habarlaidy Ult.kz.
Baýyrjan Momyshulynyń alyp beinesi balalardyń jumysynan jinalǵan. Astana ákimdiginiń málimetinshe, mozaika 2736 sharshy metr aýmaqty alyp jatyr. Uzyndyǵy – 70, eni - 32 metr.
«Árbir úzindi - ár balanyń qosqan jeke úlesi. Bul - jai ǵana portret emes, balalardyń shyǵarmashylyǵy arqyly jetkizilgen shynaiy oqiǵa», – deidi uiymdastyrýshylar.
Jobany dúniejúzilik rekordtar kitabyna tirkeýge ótinish berilgen.
