Jańa jylǵa orai Nur-Sultan qalasynyń ár jerinde 33 jańajyldyq shyrsha ornatyldy, dep habarlaidy "Ult aqparat".
22 jeltoqsanda elordada barlyq shyrshalardyń shamyn jaǵý sharasy ótken bolatyn.
Shyrshalardyń biri EKSPO qalashyǵynyń aýmaǵynda ornalasqan, biiktigi – 25 metr. Jasandy shyrsha 1200 shar, qardyń 250 shaǵyn jáne 20 kompozitsiialyq formasymen túrli-tústi etip bezendirilgen.
«Shyrsha keremet, óte ádemi jaryqtandyrylǵan. Merekelik kóńil-kúi syilaidy. Óte unady. Otandastarymyzdy merekemen quttyqtaimyz, kele jatqan 2021 jyl barlyǵyna sáttilik, jaqsylyq, baqyt pen densaýlyq ákelsin», - deidi elorda turǵyndary.
Sondai-aq Sanitarlyq-epidemiologiialyq baqylaý departamenti halyq kóp shoǵyrlanǵan jerlerde karantin talaptaryn qatań saqtaýǵa shaqyrady.
«Jańa jyl qarsańynda elorda turǵyndary úshin videoquttyqtaýlar uiymdastyrylady. Rolikterge tanymal adamdar, qazaqstandyq estrada juldyzdary, akterler jáne taǵy basqalary qatysady», - dedi qala ákimdiginiń baspasóz qyzmetinen.
Eske salaiyq, jaqynda Nur-Sultanda qoldan toqylǵan biiktigi 6 metr shyrsha paida bolady. Qazir munda elimizdiń túkpir-túkpirinen kelgen sheberler jumys jasaýda.
«Sondai-aq «Úidegi shyrshany bezendirý» fleshmoby aiasynda árkim óziniń telefonyna video nemese foto túsirip, Nur-Sultan ákimdiginiń paraqshasyn belgilei otyryp áleýmettik jelilerde #Meiirimdibolýádet, #Dobrotaobrazjizni, #Modnobytdobrym heshtegimen jariialai alady», - dedi elorda ákimdiginen.
