Astanada 3000 oqýshy «Qamajai» biin biledi

Foto: Astana qalasy ákimdiginiń baspasóz qyzmeti

Astanalyq oqýshylar «Qamajai» biin bilep, horeografiialyq fleshmob uiymdastyrdy, dep habarlaidy 24kz.

Oǵan 100-den astam mekteptiń úsh myń oqýshysy qatysty. Sondai-aq búgingi Ulttyq kiim kúnine orai, qazaqtyń qamzoly men sáýkelesin, shapany men beshpetin kigen bir top jetkinshek Defile kórsetti. Jalpy respýblika boiynsha mundai aýqymdy shara alǵash ret ótip tur. Aldaǵy ýaqytta ol jalǵasyn tabady, deidi uiymdastyrýshylar.

"112 mektep bar bolsa Astana qalasynda, sol mektepterden 25-35 baladan jinap, 1 ai boiy ár mektepke baryp qimyldardy úirettik. Odan keiin sońǵy bir aptada ár lokatsiiada ár mektepke baryp, aýdan-aýdan boiynsha bidi daiyndadyq", - deidi «Shashý» halyqtyq bi ansambliniń kórkemdik jetekshisi Táýirjan Rahat.