Foto: ashyq derekkóz
Astanada bir top adamnyń alaiaqtyq jasap, qylmystyq jolmen alynǵan kiristerdi zańdastyrǵany úshin sot úkimi jariialandy. Isti QR Qarjylyq monitoring agenttiginiń elorda boiynsha departamenti tergegen, dep habarlaidy Ult.kz.
Tergeý málimetinshe, 2023 jyly áiel adam ulynyń atynan berilgen senimhat arqyly «Bank TsentrKredit» AQ-nan 115 mln teńge kóleminde eki nesie rásimdegen. Nesie «DAMÝ» qory sýbsidiialaǵan jeńildetilgen baǵdarlama aiasynda alynǵan. Ol úshin bankke jalǵan qujattar men múlikti kepilge qoiýǵa qatysty jalǵan baǵalaý aktileri usynylǵan.
Keiin kúdiktiler qaterli isikpen aýyrǵan áieldiń atyna taǵy 155 mln teńge nesie rásimdep, ony da jalǵan kelisimsharttar men qujattar arqyly zańsyz iemdengen. Qarajat jeke kásipkerlerdiń shotyna aýdarylyp, qolma-qol aqshaǵa ainaldyrylǵan.
Tergeý barysynda banktiń bir qyzmetkeri nesie ótinimderin rásimdeýge kómekteskeni úshin 500 myń teńge syiaqy alǵany anyqtaldy.
Bankke keltirilgen jalpy shyǵyn – 155 mln teńge.
Sot úkimimen aiyptalýshylardyń barlyǵy kináli dep tanylyp, 5 jylǵa bas bostandyǵynan aiyryldy. Sonymen qatar, qylmystyq jolmen alynǵan kiristerge satyp alynǵan demalys bazasy, 2000 sharshy metr jer telimi jáne Nur-Sultandaǵy kommertsiialyq nysandar memleket kirisine tárkilendi.
Úkim zańdy kúshine engen joq.
