Nur-Sultan qalasynda 14 qazannan bastap karantin kúsheitiledi. Bul týraly elorda ákimi Altai Kólginov málim etti, dep habarlaidy "Ult aqparat".
Koronavirýs indetin juqtyrý qaýpiniń joǵarylaýy men naýqastar sanynyń artýyna bailanysty qalalyq shtab otyrysynda birqatar qosymsha shekteýler qabyldandy. Karantindik sharalar erteńnen bastap, iaǵni 14 qazannan kúshine enedi.
Birinshiden, jergilikti atqarýshy organ qyzmetkerleri men olardyń kvazimemlekettik sektorynyń keminde 60% qashyqtan jumys rejimine aýysady. Adam kóp jinalatyn jeke uiymdar jumysshylardy qashyqtan jumys rejimine aýystyrýy qajet. Indetti juqtyrýdyń negizgi oshaqtary – ujymdyq (eńbek) oshaqtar. Jumys oryndarynda sanitarlyq-epidemiologiialyq normalardyń qatań saqtalýyn baqylaý qajet.
Ekinshiden, kafe, meiramhana, bar, ashana jáne basqa da qoǵamdyq tamaqtaný nysandarynyń jumys ýaqyty saǵat 22.00-ge deiin (9:00-den 22:00-ge deiin) qysqartylady. Bul - jumys jáne demalys kúnderine de qatysty. Nysandarda 30 adamnan artyq bolmaýy tiis.
Notariýstardyń, advokattyq keńselerdiń, býhgalterlerdiń, konsaltingilik, jyljymaityn múlik agenttikteriniń, jarnama agenttikteriniń, sot oryndaýshylarynyń, týroperatorlardyń jáne t.b. jumys kestesi saǵat 18.00-ge deiin (9:00-den 18:00-ge deiin) qysqartylady. Bul - jumys jáne demalys kúnderine de qatysty.
Azyq-túlik emes taýarlar men zattardy satatyn dúńgirshekterge saǵat 18.00-ge deiin jumys jasaýǵa ruqsat etiledi. Demalys kúnderi - jabyq bolady.
Monshalar, basseinmen qamtylǵan saýnalardyń jumys kestesi: jumys kúnderi - 8:00-den 21:00-ge deiin, senbi jáne jeksenbi kúnderi - 9:00-den 19:00-ge deiin. Aldyn-ala jazylý mindetti.
Jeksenbide qoǵamdyq kóliktiń jumysy toqtatylady. Avtobýstar dezinfektsiialanady.
Úshinshi. Politsiia departamenti sanitarlyq dárigerlermen birlese kúndelikti reidter júrgizip, sanitariia normalaryn ustaný boiynsha zańbuzýshylyq faktilerin anyqtaý jumysyn kúsheitedi.
«Reidter kóptegen nysandardyń sanitarlyq-epidemiologiialyq normalardyń qatań saqtalmai jatqanyn kórsetip otyr. Uiymdar epidemiologiialyq talaptardy birneshe ret buzǵan faktiler boldy. Mundai retsidivisterdiń qyzmeti toqtatylady», - dep jazdy A.Kólginov Instagram-da.
