Foto: ashyq derekkóz
Astanada birneshe jyl boiy memlekettik baǵdarlama atyn jamylyp, turǵyndardy aldaǵan eki adamǵa úkim shyqty, dep habarlaidy Ult.kz.
Olar keńse jaldap, jumys istep turǵan JShS-lardyń derektemelerin paidalaný arqyly azamattarǵa «jeńildetilgen sharttarmen» Astana men Almatydaǵy elitaly turǵyn úi alyp berýdi, sondai-aq memlekettik baǵdarlama boiynsha nesie rásimdeýdi ýáde etken. Jalǵan kelisimsharttar arqyly 150 adamnan 1 mlrd teńgeden astam qarjy jinaǵan.
Sot olardyń kámelet jasqa tolmaǵan balalary baryn jáne shyǵyndy jartylai ótegenin eskerip, árqaisysyna 6 jyl 8 aiǵa bas bostandyǵynan aiyrý jazasyn taǵaiyndady. Sonymen qatar, 5 jylǵa deiin materialdyq jaýapty jáne basshylyq qyzmetter atqarý quqyǵynan aiyryldy.
Keltirilgen shyǵyn sottalǵandardan óndiriledi. Úkim zańdy kúshine endi.
Astana qalasynyń prokýratýrasy azamattarǵa nesie rásimdeý nemese turǵyn úi alý kezinde qujattary joq deldaldarǵa senbeýge keńes beredi.
