Foto: elements.envato.com
«Astana-Zelenstroi» bas direktory para bergeni úshin kináli dep tanyldy, - dep habarlaidy "Ult aqparat" Antikor baspasóz qyzmetine silteme jasap.
«Astana qalasy Baiqońyr aýdanynyń № 2 sotynda «Astana-Zelenstroi» JShS bas direktory Aibar Naýryzáli «Tabiǵat-Servis NS» JShS direktorynyń orynbasary S. Karlovadan jasyl ekpelerdi kútip ustaý boiynsha artyqshylyq bergeni jáne oryndalǵan jumystar aktilerine kedergisiz qol qoiǵany úshin 9 million teńge alý deregi boiynsha isti qaraý aiaqtaldy.
3 naýryzdaǵy sot úkimi boiynsha, Naýryzáli para alǵany úshin kináli dep tanyldy jáne oǵan memlekettik mekemelerde qyzmet atqarý quqyǵynan aiyra otyryp, paranyń jiyrma eselengen somasy – 185 million teńge mólsherinde aiyppul túrindegi jaza taǵaiyndaldy», - delingen habarlamada.
Al Karlovaǵa sot paranyń on bes eselengen somasy – 135 million teńge kóleminde aiyppul salǵan.
