فوتو: elements.envato.com
«استانا-زەلەنستروي» باس ديرەكتورى پارا بەرگەنٸ ٷشٸن كٸنەلٸ دەپ تانىلدى, - دەپ حابارلايدى "ۇلت اقپارات" انتيكور باسپاسٶز قىزمەتٸنە سٸلتەمە جاساپ.
«استانا قالاسى بايقوڭىر اۋدانىنىڭ № 2 سوتىندا «استانا-زەلەنستروي» جشس باس ديرەكتورى ايبار ناۋرىزەلٸ «تابيعات-سەرۆيس نس» جشس ديرەكتورىنىڭ ورىنباسارى س. كارلوۆادان جاسىل ەكپەلەردٸ كٷتٸپ ۇستاۋ بويىنشا ارتىقشىلىق بەرگەنٸ جەنە ورىندالعان جۇمىستار اكتٸلەرٸنە كەدەرگٸسٸز قول قويعانى ٷشٸن 9 ميلليون تەڭگە الۋ دەرەگٸ بويىنشا ٸستٸ قاراۋ اياقتالدى.
3 ناۋرىزداعى سوت ٷكٸمٸ بويىنشا, ناۋرىزەلٸ پارا العانى ٷشٸن كٸنەلٸ دەپ تانىلدى جەنە وعان مەملەكەتتٸك مەكەمەلەردە قىزمەت اتقارۋ قۇقىعىنان ايىرا وتىرىپ, پارانىڭ جيىرما ەسەلەنگەن سوماسى – 185 ميلليون تەڭگە مٶلشەرٸندە ايىپپۇل تٷرٸندەگٸ جازا تاعايىندالدى», - دەلٸنگەن حابارلامادا.
ال كارلوۆاعا سوت پارانىڭ ون بەس ەسەلەنگەن سوماسى – 135 ميلليون تەڭگە كٶلەمٸندە ايىپپۇل سالعان.
