Sybailas jemqorlyqqa qarsy qyzmet "Astana-Zelenstroi" JShS bas direktory Aibar Naýryzálige qatysty para alý deregi boiynsha qylmystyq isti tergeýdi aiaqtady, dep habarlaidy "Ult aqparat" vedomstvonyń baspasóz qyzmetine silteme jasap.
"Naýryzáli biyl 2 qyrkúiekte "Tabiǵat NS Servis" JShS direktory S. Karlovadan Astana qalasynyń Almaty jáne Esil aýdandaryn kógaldandyrý boiynsha Memlekettik satyp alý týraly sharttar boiynsha oryndalǵan jumystar aktilerine kedergisiz qol qoiǵany úshin 9 million teńge somasynda aqshalai qarajat aldy dep kúdiktenedi", - delingen habarlamada.
Antikor málimetinshe, Naýryzálige taǵylǵan aiyptar arnaýly jedel izdestirý is-sharasy, jasyryn tergeý áreketteriniń materialdarymen, kýágerlerdiń aiǵaqtarymen jáne t. b. rastalady.
"Naýryzálini QR QPK-niń 128-baby tártibinde protsestik ustaý kináni tolyq moiyndaýǵa bailanysty qoldanylmady", - delingen habarlamada.
Onyń kinási týraly qorytyndy sheshimdi sot qabyldaidy.
