«Astana-Zashita» baǵytymen qatynaityn júrdek poiyzǵa «Abai joly» ataýy berildi, dep habarlaidy "Ult aqparat" «Jolaýshylar tasymaly» AQ baspasóz qyzmetine silteme jasap.
Mundai sheshimge Shyǵys Qazaqstan oblysy Semei qalasy ziialy qaýymy ókilderiniń usynysy negiz boldy.
«Biyl Muhtar Áýezovtiń dúniege kelgenine 120 jyl tolady. Bul- uly jazýshynyń ádebi murasyn nasihattaýdaǵy naqty qadam. Bizdiń usynysymyzǵa qoldaý bildirgen ulttyq tasymaldaýshy kompaniia basshylyǵyna alǵys aitamyz», - deidi bastamashy toptyń múshesi, Abaidyń «Jidebai-Bórili» memlekettik murajai-qorynyń direktory Bolat Júnisbekov.
№67/68 «Astana-Zashita» júrdek jolaýshylar poiyzy otandyq «Tulpar-Talgo» vagondarymen jasaqtalǵan jáne kún saiyn júredi. Joldaǵy ýaqyty -16 saǵat 30 minýt.
Qazirgi kezde respýblikalyq jáne memleketaralyq baǵyttar boiynsha «Alataý», «Aqjaiyq», «Jetisý», «Saraishyq», «Aqsuńqar» jáne t.b. ataýly poiyzdar qatynaidy.
