Foto: Polisia.kz
Astana turǵyny liftide jubaiyn soqqyǵa jyqqan, – dep habarlaidy "Ult aqparat" Polisia.kz saityna silteme jasap.
“102” arnasyna elordanyń 36 jastaǵy turǵynynan ony jubaiy uryp-soǵyp jatqany týraly habarlama kelip túsken. 42 jastaǵy er adam liftige kirgen soń, balaǵat sózder aityp, áielin qorqytyp, urǵany anyqtaldy. Belgili bolǵandai, bul - er adamnyń jubaiyna birinshi ret qol kóterýi emes.
"Atalǵan fakti boiynsha quqyq buzýshyǵa qatysty Qazaqstan Respýblikasy QK-niń 73-2-baby boiynsha ákimshilik hattama toltyryldy. Ákimshilik quqyq buzýshylyq jónindegi mamandandyrylǵan aýdanaralyq sottyń sheshimimen er adam 10 táýlik merzimge qamaýǵa alyndy" - delingen habarlamada.
Qyzmet kórsetiletin ákimshilik ýchaskelerde quqyq buzýshylyqtardyń aldyn alýdy kúsheitý maqsatynda elordalyq politsiia departamentiniń qyzmetkerleri árbir ýchaskede barynsha pysyqtaýdy júrgizedi.
– Siz zorlyq-zombylyqtyń qurbany bolsańyz, dereý “102” arnasyna nemese áielderdi zorlyq-zombylyqtan qorǵaý bólimshesiniń senim telefonyna 8-(7172)-71-60-63 habarlasyńyz. Politsiia qyzmetkerleri sizge konsýltativtik-quqyqtyq kómek kórsetedi, – deidi Astana qalasynyń politsiia departamenti.
