فوتو: Polisia.kz
استانا تۇرعىنى ليفتٸدە جۇبايىن سوققىعا جىققان, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
“102” ارناسىنا ەلوردانىڭ 36 جاستاعى تۇرعىنىنان ونى جۇبايى ۇرىپ-سوعىپ جاتقانى تۋرالى حابارلاما كەلٸپ تٷسكەن. 42 جاستاعى ەر ادام ليفتٸگە كٸرگەن سوڭ, بالاعات سٶزدەر ايتىپ, ەيەلٸن قورقىتىپ, ۇرعانى انىقتالدى. بەلگٸلٸ بولعانداي, بۇل - ەر ادامنىڭ جۇبايىنا بٸرٸنشٸ رەت قول كٶتەرۋٸ ەمەس.
"اتالعان فاكتٸ بويىنشا قۇقىق بۇزۋشىعا قاتىستى قازاقستان رەسپۋبليكاسى قك-نٸڭ 73-2-بابى بويىنشا ەكٸمشٸلٸك حاتتاما تولتىرىلدى. ەكٸمشٸلٸك قۇقىق بۇزۋشىلىق جٶنٸندەگٸ مامانداندىرىلعان اۋدانارالىق سوتتىڭ شەشٸمٸمەن ەر ادام 10 تەۋلٸك مەرزٸمگە قاماۋعا الىندى" - دەلٸنگەن حابارلامادا.
قىزمەت كٶرسەتٸلەتٸن ەكٸمشٸلٸك ۋچاسكەلەردە قۇقىق بۇزۋشىلىقتاردىڭ الدىن الۋدى كٷشەيتۋ ماقساتىندا ەلوردالىق پوليتسييا دەپارتامەنتٸنٸڭ قىزمەتكەرلەرٸ ەربٸر ۋچاسكەدە بارىنشا پىسىقتاۋدى جٷرگٸزەدٸ.
– سٸز زورلىق-زومبىلىقتىڭ قۇربانى بولساڭىز, دەرەۋ “102” ارناسىنا نەمەسە ەيەلدەردٸ زورلىق-زومبىلىقتان قورعاۋ بٶلٸمشەسٸنٸڭ سەنٸم تەلەفونىنا 8-(7172)-71-60-63 حابارلاسىڭىز. پوليتسييا قىزمەتكەرلەرٸ سٸزگە كونسۋلتاتيۆتٸك-قۇقىقتىق كٶمەك كٶرسەتەدٸ, – دەيدٸ استانا قالاسىنىڭ پوليتسييا دەپارتامەنتٸ.
