Astanada erli-zaiypty janjaldasyp, er adam áielin mashinadan kóshege laqtyryp jibergen.
Belgili bolǵandai, ekeýi de mas bolǵan. Olardyń joldaǵy janjaly videoǵa túsip, politsiia shaqyrylǵan.
Saǵat 02.00 shamasynda "102" pýltine oqiǵa kýágerinen GEELY kóliginiń mas júrgizýshisi jol boiynda áieldi uryp-soǵyp jatqany týraly habarlama túsken.
Oqiǵa ornyna avtopatrýl jiberildi. Júrgizýshi kólikti tastap, jaiaý qashýǵa árekettengenimen, qamaýǵa alyndy.
Kólik ishinde er adamnyń áieli bolǵany belgili boldy. Oqiǵadan sál buryn erli-zaiypty dámhanada ishimdik iship otyrǵan, sol jerde olardyń arasynda janjal shyqqan. Olar mas kúiinde kólikke otyrǵan. Kólik júrgizip kele jatqanda erli-zaiyptynyń arasyndaǵy tóbeles jalǵasyp, júrgizýshi kólikti toqtatyp, áieldi kólikten laqtyryp jibergen.
"Politseiler júrgizýshini kólik júrgizýden shyǵaryp, meditsinalyq tekserýden ótýin surady. Alaida júrgizýshi politsiia qyzmetkeriniń zańdy talabyn oryndaýdan úzildi-kesildi bas tartty. Politsiia talaptaryn oryndamaǵany jáne alkogoldik masańdyq boiynsha test tapsyrýdan jaltarǵany úshin júrgizýshi 25 táýlikke ákimshilik qamaýǵa alynady. Kólik kommýnaldyq turaqqa qoiyldy", – delingen habarlamada.
