استانادا ەرلٸ-زايىپتى جانجالداسىپ, ەر ادام ەيەلٸن ماشينادان كٶشەگە لاقتىرىپ جٸبەرگەن.
بەلگٸلٸ بولعانداي, ەكەۋٸ دە ماس بولعان. ولاردىڭ جولداعى جانجالى ۆيدەوعا تٷسٸپ, پوليتسييا شاقىرىلعان.
ساعات 02.00 شاماسىندا "102" پۋلتٸنە وقيعا كۋەگەرٸنەن GEELY كٶلٸگٸنٸڭ ماس جٷرگٸزۋشٸسٸ جول بويىندا ەيەلدٸ ۇرىپ-سوعىپ جاتقانى تۋرالى حابارلاما تٷسكەن.
وقيعا ورنىنا اۆتوپاترۋل جٸبەرٸلدٸ. جٷرگٸزۋشٸ كٶلٸكتٸ تاستاپ, جاياۋ قاشۋعا ەرەكەتتەنگەنٸمەن, قاماۋعا الىندى.
كٶلٸك ٸشٸندە ەر ادامنىڭ ەيەلٸ بولعانى بەلگٸلٸ بولدى. وقيعادان سەل بۇرىن ەرلٸ-زايىپتى دەمحانادا ٸشٸمدٸك ٸشٸپ وتىرعان, سول جەردە ولاردىڭ اراسىندا جانجال شىققان. ولار ماس كٷيٸندە كٶلٸككە وتىرعان. كٶلٸك جٷرگٸزٸپ كەلە جاتقاندا ەرلٸ-زايىپتىنىڭ اراسىنداعى تٶبەلەس جالعاسىپ, جٷرگٸزۋشٸ كٶلٸكتٸ توقتاتىپ, ەيەلدٸ كٶلٸكتەن لاقتىرىپ جٸبەرگەن.
"پوليتسەيلەر جٷرگٸزۋشٸنٸ كٶلٸك جٷرگٸزۋدەن شىعارىپ, مەديتسينالىق تەكسەرۋدەن ٶتۋٸن سۇرادى. الايدا جٷرگٸزۋشٸ پوليتسييا قىزمەتكەرٸنٸڭ زاڭدى تالابىن ورىنداۋدان ٷزٸلدٸ-كەسٸلدٸ باس تارتتى. پوليتسييا تالاپتارىن ورىنداماعانى جەنە الكوگولدٸك ماساڭدىق بويىنشا تەست تاپسىرۋدان جالتارعانى ٷشٸن جٷرگٸزۋشٸ 25 تەۋلٸككە ەكٸمشٸلٸك قاماۋعا الىنادى. كٶلٸك كوممۋنالدىق تۇراققا قويىلدى", – دەلٸنگەن حابارلامادا.
