2018 jyldyń qyrkúiek aiynan bastap synaq rejiminde «Astana-Temirtaý» kúre jolynda jol júrý aqysy engiziledi, dep habarlaidy Elorda Info.
«Astana-Temirtaý» jolyn qyrkúiek aiynan bastap synaq rejiminde engizý josparlanyp otyr. Meniń oiymsha, ol bir toqsan ishinde synaq rejiminde jumys isteidi, sodan keiin biz qaraityn bolamyz. Qazirgi kezde tólem tólenetin terminaldar ornatylyp, jabdyqtar jetkizildi», - dedi «QazAvtoJol» UK» AQ-nyń baspasóz hatshysy Baýyrjan Serikbaev.
Aita keteiik, tórt jolaqty joldyń uzyndyǵy 170 shaqyrymdy quraidy. Tranzittik jeńil avtokólikter úshin tarif 1 shaqyrymǵa - 1 teńge. Jolǵa jaqyn eldi meken turǵyndary úshin jeke tarifpen tólenedi - jyldyq quny 1000 teńge, dep qosty Baýyrjan Serikbaev.
15 tonnadan asatyn aýyr júk kólikteriniń tirkemelerimen, sondai-aq jolaýshylar avtobýstarynyń quny synaq rejiminen keiin anyqtalady.
Tólem ádisteri: tólem núktelerinde qolma-qol aqshamen tóleý; Qiwi terminaldary, kassa 24; Internet-tólem (payway.kz); banktik kartochka; jeke shot (zańdy tulǵalar úshin).
