2018 jyldyń 6 maýsymynda Almaty qalasyndaǵy Jazýshylar kitaphanasynda Elordanyń 20 jyldyǵyna orai «Astana – táýelsiz Qazaqstannyń simvoly» atty dóńgelek ústel ótti. Basqosýǵa muryndyq bolǵan «El-shejire» qoǵamdyq qory men Almaty qalasy Ishki saiasat basqarmasy. Is-sharanyń basty maqsaty – Astananyń Qazaqstannyń damýyna qosqan úlesin jáne atqarylǵan aýqymdy isterin baiandaý. Elordanyń qalyptasý tarihyna baǵa berý.
Jas qalanyń eki on jyldyq mereitoiyna orai uiymdastyrylǵan jiynǵa QR Ulttyq memlekettik Kitap palatasynyń direktory Álibek Asqarov, Qazaqstannyń eńbek sińirgen qairatkeri Asyly Osman, jýrnalist, jazýshy Qanat Ábilqaiyr, Qaiym Muhamedhanov atyndaǵy Bilim jáne mádeniet ortalyǵy qoǵamdyq qorynyń direktory Dina Muhamedhan syndy birqatarqoǵam qairatkerleri, ÚEU jáne BAQ ókilderi qatysty.
Atalmysh shara Jazýshylar kitaphanasynyń meńgerýshisi ElenaAǵaisa hanymnyń alǵy sózimen bastalyp, «El-shejire» qoǵamdyq qorynyń tóraǵasy Dáýlet Áshimhannyń kirispe sózimen jalǵasyn tapty. Sondai-aq, Álibek Asqarov Elordanyń keshegi men búginin salystyryp, árqily esteliginázilmen áńgimelep berdi. Astanany Arqaǵa kóshirgeni durys bolǵandyǵyn tilge tiek etti. Ol «Astana nebári 20 jylda jańa qalaǵa ainalyp úlgerdi. Buryn shet elderge tań qalyp qarasaq, búginde solarmen teńesip, iyq tirese aldyq. Kún sanap damyǵan qalamyz áli talai alyp qalanyń aldyn oraitynyna kámil senemin» – dep sózin túiindedi.
Qoǵam qairatkeri Asyly Osman «Elbasynyń bastamasyna, tapqyrlyǵyna, tabandylyǵyna eshkim kúmándanǵan emes. Ol Astanany kóshirý barysynda ótkendi eskerip, búginin oilap, bolashaqqa baiandy jospar jasady. Túsinigi mol, sanalylar bir aýyzdan qoldady. Kúdikten úmit basym bolyp, senim aqtaldy. Mine búginde gúldengen, ekonomikasy qýatty megapolis atandy» – dedi.
Dóńgelek ústel barysynda stýdentter is-sharaǵa qatysýshylarǵa Astana qalasynyń tarihy týraly suraqtar qoiyp, tushymdy jaýaptar aldy. Buǵan qosa, kelgen qonaqtar kitaphanaǵa estelik kitaptaryn syilady. Jiyndy aqyn, jyraý Altynbek Ibragimov óziniń «Astanaǵa arnaý» jyrymen qorytyndylady.
.jpeg)