Astana protsesiniń 13-kezdesýiniń qorytyndy málimdemesi Siriianyń qazirgi jai-kúiin anyq kórsetti. Bul pikirdi Siriia úkimeti delegatsiiasynyń basshysy Bashar Djafari aitty, dep habarlaidy QazAqparat tilshisi.
«Kezdesý qorytyndysy boiynsha jariialanǵan málimdeme saiasi mazmuny jaǵynan kóńilimizden shyqty. Ol Siriianyń qazirgi jai-kúiin ádil ári anyq kórsetip otyr. Siriianyń úkimettik delegatsiiasy Qazaqstan astanasyna 13-shi ret kelgenine qýanyshty», - dedi Bashar Djafari elordada Astana protsesiniń qorytyndysyna arnalǵan baspasóz máslihatynda.
Sonymen birge, siriialyq delegatsiia jetekshisi Qazaqstanǵa ózderine kórsetilgen qonaqjailyq pen kelissózder alańyn usynǵany úshin alǵys aitty.
Aita keteiik, elordada Siriiadaǵy daǵdarysty retteý boiynsha Astana protsesiniń 13-shi halyqaralyq kezdesýi ótti. Astana protsesi 2017 jyldan beri Qazaqstan Tuńǵysh Prezidenti Nursultan Nazarbaevtyń qoldaýymen júzege asyrylyp keledi.
Buǵan deiin Astana protsesiniń kepil memleketteri Siriiaǵa gýmanitarlyq kómekti arttyrý jáne bosqyndardyń qaita oralýyna jaǵdai jasaý qajettigin atap ótti. Siriia máseleleri boiynsha kelesi kezdesý 2019 jyldyń qazan aiynda Nur-Sultan qalasynda ótedi.
