استانا پروتسەسٸنٸڭ 13-كەزدەسۋٸنٸڭ قورىتىندى مەلٸمدەمەسٸ سيرييانىڭ قازٸرگٸ جاي-كٷيٸن انىق كٶرسەتتٸ. بۇل پٸكٸردٸ سيرييا ٷكٸمەتٸ دەلەگاتسيياسىنىڭ باسشىسى باشار دجافاري ايتتى, دەپ حابارلايدى قازاقپارات تٸلشٸسٸ.
«كەزدەسۋ قورىتىندىسى بويىنشا جارييالانعان مەلٸمدەمە ساياسي مازمۇنى جاعىنان كٶڭٸلٸمٸزدەن شىقتى. ول سيرييانىڭ قازٸرگٸ جاي-كٷيٸن ەدٸل ەرٸ انىق كٶرسەتٸپ وتىر. سيرييانىڭ ٷكٸمەتتٸك دەلەگاتسيياسى قازاقستان استاناسىنا 13-شٸ رەت كەلگەنٸنە قۋانىشتى», - دەدٸ باشار دجافاري ەلوردادا استانا پروتسەسٸنٸڭ قورىتىندىسىنا ارنالعان باسپاسٶز مەسليحاتىندا.
سونىمەن بٸرگە, سيرييالىق دەلەگاتسييا جەتەكشٸسٸ قازاقستانعا ٶزدەرٸنە كٶرسەتٸلگەن قوناقجايلىق پەن كەلٸسسٶزدەر الاڭىن ۇسىنعانى ٷشٸن العىس ايتتى.
ايتا كەتەيٸك, ەلوردادا سيريياداعى داعدارىستى رەتتەۋ بويىنشا استانا پروتسەسٸنٸڭ 13-شٸ حالىقارالىق كەزدەسۋٸ ٶتتٸ. استانا پروتسەسٸ 2017 جىلدان بەرٸ قازاقستان تۇڭعىش پرەزيدەنتٸ نۇرسۇلتان نازارباەۆتىڭ قولداۋىمەن جٷزەگە اسىرىلىپ كەلەدٸ.
بۇعان دەيٸن استانا پروتسەسٸنٸڭ كەپٸل مەملەكەتتەرٸ سيريياعا گۋمانيتارلىق كٶمەكتٸ ارتتىرۋ جەنە بوسقىنداردىڭ قايتا ورالۋىنا جاعداي جاساۋ قاجەتتٸگٸن اتاپ ٶتتٸ. سيرييا مەسەلەلەرٸ بويىنشا كەلەسٸ كەزدەسۋ 2019 جىلدىڭ قازان ايىندا نۇر-سۇلتان قالاسىندا ٶتەدٸ.
