Astana protsesi aiasynda Siriiadaǵy daǵdarysty retteý jónindegi kelesi halyqaralyq kezdesý qazan aiynda ótedi, dep habarlaidy "Ult aqparat".
Bul týraly Astana protsesiniń 13-kezdesýinde kepil memleketter - Iran, Resei jáne Túrkiianyń birlesken málimdemesinde aityldy.
«Siriia máseleleri boiynsha Astana formatyndaǵy kelesi halyqaralyq kezdesýdi Nur-Sultan qalasynda 2019 jyldyń qazan aiynda ótkizýdi uiǵardyq», - dedi QR Syrtqy ister ministriniń orynbasary Roman Vasilenko elordada Siriia boiynsha kelissózdiń 13-raýndynda kepil memleketterdiń birlesken málimdemesin oqý barysynda.
Sonymen birge, resmi qujatta Astana protsesiniń jańa baqylaýshylary retinde Irak pen Livan delegatsiialarynyń qatysýy airyqsha atalyp ótti.
«Baqylaýshy elder - Iordaniia, Irak jáne Livannyń Siriiadaǵy beibitshilik pen turaqtylyqty ornatý isine óz úlesin qosatynyna senim bildiremiz. Nur-Sultan qalasynda Siriia máseleleri boiynsha 13-halyqaralyq kezdesý ótkizgeni úshin Qazaqstan biligine shynaiy alǵys aitamyz», - delingen málimdemede.
Aita keteiik, elordada Siriiadaǵy daǵdarysty retteý boiynsha Astana protsesiniń 13-shi halyqaralyq kezdesýi ótti. Basqosý Siriiadaǵy, ásirese Idlib provintsiiasy men eldiń soltústik-shyǵysyndaǵy qazirgi ahýaldy talqylaýǵa, qaqtyǵysýshy taraptar arasyndaǵy senimdi nyǵaitýǵa jáne saiasi protsesti odan ári ilgeriletýge basa nazar aýdarady.
