Siriia delegatsiiasynyń basshysy, Siriianyń BUU janyndaǵy turaqty ókili Bashar Djafari Astanada ótken siriialyq retteý jónindegi halyqaralyq kezdesýdiń qorytyndysyna orai BAQ ókilderine baspasóz máslihatyn ótkizdi, dep habarlaidy Ult.kz tilshisi QazAqparat agenttigine silteme jasap.
«Astanadaǵy eki kúndik kezdesýde biz kúni-túni nátijeli jumys istedik. Bul kelissózder barysynda biz óz maqsatymyzǵa qol jetkizýge, iaǵni soǵysty toqtatýǵa qatysty sheshimdi bekitip, daǵdarysty saiasi jolmen sheshýge tyrystyq», - dedi ol.
Djafari nátijeli jumys isteýge jan-jaqty múmkinshilik jasaǵan Qazaqstanǵa rizashylyǵyn bildirdi. Sonymen qatar Astana protsesiniń jumysyn uiymdastyrýdaǵy elimizdiń barlyq kúsh-jigerin joǵary baǵalady.
«Biz Siriiada beibitshilik ornatýǵa umtylamyz. Qantógisti toqtatý baǵytynda jumys isteý úshin ártúrli elderden kelip otyrmyz. (...) Qantógisti toqtatý úshin barlyǵy da tyrysty. (...) Astana kezdesýi - "bazar" emes. Biz naqty qadamdardy talqyladyq jáne belgili bir nátijelerge qol jetkizdik», - dedi siriialyq delegatsiia basshysy.
