- Astana protsesi boiynsha qorytyndy qujatqa qol qoiylýy múmkin. Bul jaiynda QazAqparat tilshisine kelissózderdi uiymdastyrý sharalaryna qatysy bar derekkóz málim etti.
«Qazirgi ýaqytta kepilger elder delegatsiialary BUU járdemimen kezdesýdiń qorytyndy qujaty jobasymen jumys jasaýda. Onda qol jetkizilgen ýaǵdalastyqtar belgilenýi múmkin», - dep atap ótti ol.
Aita keteiik, Astana protsesine 7 taraptyń ókili qatysýda. Atap aitqanda, Siriianyń úkimettik delegatsiiasyn BUU janyndaǵy osy eldiń turaqty ókili Basar al-Djafari basqarady. Siriialyq oppozitsiia delegatsiiasynda shamamen 15 oppozitsiialyq toptyń ókili bar. Resei delegatsiiasyna RF Prezidentiniń siriialyq retteý máseleleri jónindegi arnaýly ókili Aleksandr Lavrentev basshylyq jasaýda. Túrik jáne iran delegatsiialarynyń basshylary atalǵan memleketterdiń Syrtqy ister ministrleriniń orynbasarlary - Sedat Onal men Sadek Hýsein Djaberi Ansari. Munan bólek, siriialyq daǵdarysty retteý protsesine BUU bas hatshysynyń Siriia jónindegi arnaýly ókili Staffan de Mistýra men Qazaqstandaǵy AQSh Elshisi Djord Krol de qatysyp otyr.
