Foto: QR MAM
Astana Opera» ártisteri Qytaidan jeńispen oraldy. Teatrdyń jetekshi solisi Dias Qurmanǵazy men jas horeograf, solist Sultanbek Ǵumar Liaonindegi (Shenian) balet ártisteriniń birinshi halyqaralyq baiqaýynda marapattarǵa ie boldy, dep habarlaidy Ult.kz.
Baiqaý 10 elden kelgen 400-den astam qatysýshyny biriktirdi, al qazylar alqasynyń quramynda álemdik sahnada tanylǵan 20 sheber jumys istedi. Dias Qurmanǵazy úzdik oryndaý úshin, al Sultanbek Ǵumar úzdik horeografiia úshin júldeger atandy.
Shenian sahnasynda Dias Qurmanǵazy óziniń seriktesi Kamila Shahmanovamen birge P.Chaikovskiidiń «Jańǵaq shaqqysh», R.Drigonyń «Talisman» baletterinen úzindilerdi jáne Sultanbek Ǵumardyń qoiylymyndaǵy «Ańsaý» nómirin oryndady.
Sońǵy qoiylym baǵdarlamanyń kórkine ainalyp, qazylar alqasy tarapynan ártisterdiń plastikasy, nómirdegi mýzykasy joǵary baǵalanyp, basqa qatysýshylardyń birsaryndy bilerine uqsamaitynyn atap ótti. Klassikalyq nómirler boiynsha ártistermen Qazaqstannyń eńbek sińirgen qairatkeri Rústem Seiitbekov jumys istedi.
Qoiylymnyń mýzykasyn kórkemdegen «HasSaq» etno-folklorlyq tobynyń kompozitsiiasy boldy. Horeograftyń aitýynsha, qoiylymnyń az ýaqyt ishinde paida bolýyna da osy mýzyka áser etken.
Bul marapattar qazaqstandyq balet mektebiniń halyqaralyq bedeline qosylǵan eleýli úles boldy. «Astana Opera» úshin mundai baiqaýlar joǵary daiyndyq deńgeiin kórsetýge, álemdik balettiń jetekshi ókilderimen shyǵarmashylyq bailanystyrdy nyǵaitýǵa jáne Qazaqstandaǵy bishilerdiń jańa býynyn shabyttandyrýǵa múmkindik beredi.
