Fýtboldan Premer-liga komandalary arasyndaǵy el birinshiliginiń on ekinshi týryndaǵy alǵashqy oiyn kúni aiaqtaldy, dep habarlaidy "Ult aqparat".
Budan buryn Oraldyń «Aqjaiyǵy» Túrkistanda «Turandy» 2:0 esebimen jeńgenin habarlaǵan edik.
Ekinshi kezdesýde Almatyda «Qairat» «Aqtóbeni» 4:2 esebimen tize búktirdi. Oiyn barysynda almatylyq klýb sapynan Artýr Shýshenachev 7, 36, Hose Kante 50, Neboisha Kosovich 86-minýttarda gol soqsa, oǵan «Aqtóbe» quramynan Didar Jalmuqan 41, Ervein Mýkam 53-minýttarda eki golmen jaýap qaiyrdy. Osylaisha «Qairat» úsh oiynǵa sozylǵan sátsizdik seriiasyn toqtatty.
Elordalyq «Astana» Qyzylordada «Qaisardy» 5:2 esebimen oisyrata jeńdi. Kezdesýde elordalyq komandadan Marin Tomasov 31, 61, Varazdat Aroian 36, Maks Ebong 46, Roman Mýrtazaev 47-minýttarda mergendik tanytty. Al alań ieleri qatarynan Egor Potapov 43, Stefan Denkovich 87-minýttarda gol soqty.
Ázirge týrnir kestesinde «Astana» 32 upaimen kósh bastap tur. Odan keiingi oryndardaǵy «Tobyldyń» 22, «Aqjaiyǵy» 21 upaiy bar.
Endi 15 mamyrda 18.00-de «Kaspii» (Aqtaý) men «Shahter» (Qaraǵandy), «Taraz» ben «Jetisý» (Taldyqorǵan) komandalary jasyl alańǵa shyǵady. Atalǵan týrdy 20.00-de «Atyraý» men «Ordabasy», «Tobyl» (Qostanai) men «Qyzyljar» (Petropavl) kezdesýleri túiindeidi.
