Foto: dss-almaty.kz
Qalalyq ákimdiktiń málimetinshe, kóshede kólik keptelisi bolmas úshin 12 jeltoqsan kúni saǵat 18:30-dan 00:00-ge deiin Abai dańǵylynyń Baitursynov kóshesinen Muqanov kóshesine deiingi aralyǵynda kólik qozǵalysy shekteledi. Sondai-aq Baitursynov kóshesinen Baizaqov kóshesine deiingi Sátbaev kóshesi túgeldei jabylady. Jaqyn mańdaǵy kóshelerde patrýldik politsiia beketteri jumys isteidi.
Sonymen qatar matchqa bailanysty ákimdik 8 tegin avtobýs baǵytyn uiymdastyrady. Ár baǵytqa 10 avtobýs júredi. Jinalatyn jerdi 2GIS arqyly kórýge bolady.
Qalqaman shaǵyn aýdany (№7 Qalalyq aýrýhana aialdamasy) — Ortalyq stadion;
Orbita shaǵyn aýdany (Mustafin — Toraiǵyrov kósheleriniń qiylysy) — Ortalyq stadion;
Ainabulaq shaǵyn aýdany (Maqataev — Pavlodar kósheleriniń qiylysy) — Ortalyq stadion;
“Halyq Arena" aialdamasy (soltústik baǵyt) — Ortalyq stadion;
Almaty-1 temirjol vokzaly aialdamasy — Ortalyq stadion;
Raiymbek batyr" metro stantsiiasy — Ortalyq stadion;
Naýryzbai aýdanynyń HQKO — Ortalyq stadion;
Momyshuly — Móńke bi kósheleriniń qiylysy aialdamasy — Ortalyq stadion.
Avtobýstar saǵat 16:00-den bastap tolýyna qarai jolǵa shyǵady.
Oiynǵa barýdy josparlap otyrǵan jankúierlerge taǵy birneshe qosymsha aqparat berildi.
“12 jeltoqsan kúni aýa raiy shamamen -11 gradýs bolady dep boljanýda. Sondyqtan jyly kiim kiiý usynylady. Qaýipsizdik talaptaryna sáikes, stadion aýmaǵyna termos alyp kirýge tyiym salynady. Stadionda ystyq sýsyndar men jeńil taǵamdar satylatyn arnaiy saýda núkteleri jumys isteidi. Stadion mańynda 60 biodárethana, onyń ishinde múmkindigi shekteýli jandarǵa arnalǵan dárethanalar ornatylady”, – dep málimdedi ákimdik.
Sondai-aq olar jankúierlerge barlyq qajetti jaǵdai jasalatynyn atap ótti.
