Astana qalasy men Aqmola, Soltústik Qazaqstan oblystarynda aýa raiyna bailanysty dabyldy eskertý jariialandy.
24 shildede Aqmola oblysynyń kei jerlerinde qatty jańbyr jaýady, naizaǵai, daýyl bolady, burshaq jaýýy múmkin. Túnde jáne tańerteń tuman túsedi. Soltústik-batys, soltústikten soǵatyn jeldiń kúshi 15-20 m/s, ekpini 23 m/s-ke deiin jetedi.
Kókshetaý qalasynda naizaǵai oinaidy, daýyl, burshaq jaýýy múmkin. Túnde jáne tańerten tuman bolady. Soltústik-batys, soltústikten jel soǵady, ekpini — 15-20 m/s.
Astana qalasynda naizaǵai jarqyldaidy, burshaq jaýýy yqtimal. Túnde jáne tańerten tuman túsedi. Soltústik-batys, soltústikten jel soǵady, ekpini — 15-20 m/s.
Soltústik Qazaqstan oblysynda soltústikten soǵatyn jeldiń kúshi 15-20, kei jerlerde ekpini 23-28 m/s-ke deiin jetedi. Kei jerlerde naizaǵai, daýyl bolady, kúndiz burshaq jaýýy múmkin. Túnde kei jerlerde nóser jańbyr jaýady.
Petropavl qalasynda soltústikten soǵatyn jeldiń kúshi 15-20 m/s, kúndiz ekpini 23-28 m/s bolady dep boljanyp otyr. Naizaǵai, daýyl bolady, kúndiz burshaq túsýi múmkin.
