Elorda mańyndaǵy at-sport klýbtarynyń birinde oryn alǵan qaiǵyly oqiǵa saldarynan 33 jastaǵy Astana turǵyny Jazira Qyzylbaeva ómirden ótti, dep habarlaidy ult.kz.
Ol bir aidan astam ýaqyt boiy es-tússiz komada jatqan.
Oqiǵa shilde aiynyń basynda Tselinograd aýdanyndaǵy «Atlant» at-sport klýbynda oryn alǵan. Jaqyndarynyń aitýynsha, marqumnyń atqa miný tájiribesi jetkilikti bolǵan. Serýen kezinde asaý janýar úrkip, boijetken atty toqtata almai qalǵan. Soqtyǵysý men qulaý saldarynan ol aýyr bas-mi jaraqatyn aldy.
Dárigerlerdiń emdeý sharalaryna qaramastan, naýqas 13 tamyz kúni aýrýhanada kóz jumdy.
