Nur-Sultan qalasynyń ákimdigi Astana kúnin merekeleý jospary týraly aitty, - dep habarlaidy "Ult aqparat" ákimdik saityna silteme jasap.
"Biyl Nur-Sultanda Astana kúnine orai otshashý bolmaidy. Biraq qalanyń 24 jyldyǵyna orai kontsertterden bastap sporttyq festivalderge deiin ondaǵan túrli is-sharalar ótkiziledi. Astana kúninde qalada birqatar áleýmettik nysan (kezekte turǵandarǵa páter kiltterin tapsyrý), zaýyt, skverler, qoǵamdyq keńistikter, 80-nen asa aýla aýmaqtarynyń jáne t.b. ashylýy ótedi", - delingen habarlamada.
Sonymen qatar, osy kúnge orai qalanyń birqatar vedomstvolyq baǵynysty uiymy kontsertter, sporttyq týrnirler, kórmeler jáne t.b. uiymdastyrady.
Is-sharalar jospary:
1-6 shilde aralyǵynda "Atameken" etno-memorialdyq kesheninde "Elorda peizajdary" atty art-kórme jumys isteidi. Birikken mýzeiler direktsiiasy merekege orai birden birneshe ekspozitsiia uiymdastyrady: 1-8 shilde aralyǵynda "El tiregi - Elorda" kórmesi, 1-5 shilde aralyǵynda - "Kieli meniń Elordam" fotokórmesi. 5 shilde kúni "Álem kartasyndaǵy jańa elorda" ashyq esik kúni ótedi.
4-6 shilde aralyǵynda Ortalyq saiabaqta "Mereke Street" qalalyq mádeniet festivali ótedi.
5 shildede saǵat 19:00-de filarmoniianyń kontsert zalynda "Ázil álemi" ázil keshi uiymdastyrylady. Osy ýaqytta "Astana Opera" opera jáne balet teatry "Shopeniana" jáne "Sheherezada" kúmis dáýiriniń baletterin usynady.
5 jáne 6 shildede "Kolizei" sport keńistiginde "Otan Ana" monýmentiniń janynda stritboldan "Nur Sultan Cup" týrniri uiymdastyrylady. 5-9 shilde aralyǵynda "Astana Balet" teatry "Orfei jáne Evridika" baletiniń premerasyna shaqyrady.
Astana kúni, 6 shildede saǵat 11:00-de Triatlon parkte "Elorda Tolqyny" sporttyq jarysy bastalady. Osy ýaqytta "Qazanat" ippodromynda shabandozdar "Elorda kýbogy" úshin báige túrlerinen baq synaidy. Keshke, saǵat 21:00 - de Amfiteatr sahnasynda Ulyqpan Joldasov "Aq qanat - aq qusym" baǵdarlamasymen óner kórsetedi. Saǵat 18:00-den 22: 00-ge deiin "Astana-Arena" stadionynyń turaǵynda dástúrli Open air "Halyqpen birge" ótedi. Sol kúni keshke "Qazaqstan" OKZ "Dos-Muqasan" ansambliniń shyǵarmashylyǵyna arnalǵan "Dalam meniń" kontserti uiymdastyrylady.
8 shildede Amfiteatrda "Men seni súiemin, meniń astanam" atty kontserttik qoiylym ótedi. "Barys Arena" muz saraiynyń janynda 12 saǵattyq Open air "You Fest" sharasyn ótkizý 20 shildege aýystyryldy.
Aita keteiik, Astana kúnine arnalǵan is-sharalar maýsymda bastaldy. Máselen, Ermurat Úsenovtyń 70 jyldyǵyna arnalǵan "Ómir dastan" kontserti, erler men áielder arasyndaǵy bokstan "Elorda kýbogy" halyqaralyq týrniri, kórmeler, sondai-aq Ulttyq dombyra kúnin merekeleý uiymdastyryldy.
