Astana memlekettik qyzmet haby men Almaty Management University birlese otyryp, Estoniia elektrondy basqarý Akademiiasy qoldaýymen «Elektrondy úkimetti damytý: tájiribe, máseleler jáne perspektivalar» atty seminar ótkizdi. Seminar Qazaqstannyń ár aimaǵynan kelgen ákimshilik ókilderin, memlekettik basqarý salasyndaǵy, onyń ishinde Hab elderi sarapshylarynyń basyn qosty.
Astana memlekettik qyzmet haby basqarýshy komitet tóraǵasy Alihan Baimenov, Almaty Management University rektory Gýlmira Qýrganbaeva jáne Estoniia elektrondy basqarý Akademiiasy direktory orynbasary Hannes Astok qatysýshylarǵa jyly lebizderin bildirdi.
Habtyń basqarý komitet tóraǵasy Alihan Baimenov: «Áriptestik pen ózara tiimdi halyqaralyq yntymaqtastyq - kez-kelgen reformanyń tabystylyǵy men turaqtylyǵynyń sheshýshi faktorlarynyń biri. Hab qurylǵannan beri qatysýshy-elder arasynda erikti ári ashyq bilim men tájiribe almasý isin alǵa ilgerletýde», - dedi.
AlmaU rektory Gýlmira Kýrganbaeva «tiimdi ári ashyq basqarýdyń quraly - elektrondy úkimetti damytýǵa qatysý eń aldymen, kásipkerlik ýniversitet retinde Almaty Management University úshin mańyzdy. Memlekettik basqarýdyń mundai júiesin tek biznes sektory, joǵary oqý oryndary jáne qoǵammen yntymaqtasa otyryp qurýǵa bolady. Praktikter Aliansy - álemniń ár túrli elderinde elektrondy úkimet júiesin jasaýda mańyzdy tásil», - dedi AlmaU rektory.
Seminar barysynda Habtyń qatysýshy-elderi – Estoniia, Qazaqstan, Ózbekstan, Qyrǵyzstan, Grýziia, Armeniia jáne Ázirbaijannyń elektrondy úkimet boiynsha tájiribesi tanystyryldy. Qazirgi tańda memlekettik qyzmetteriniń 99 paiyzy elektrondy formatta berilip, ortaq málimetter qoryna jinaqtalǵan, sol arqyly azamattardyń úkimetke degen senimin arttyra bilgen Estoniianyń tabysty tájiribesi jaily Hannes Astok baiandady. Júieniń ikemdiligi, sarapshynyń aitýynsha, ashyqtyq pen qol jetimdilikti qamtamasyz etedi, sonymen qatar jańa múmkindikter berip, ákimshilik shyǵyndardy azaitady.
Seminar qatysýshylary, sonymen birge, elektrondy úkimetti damytý perspektivalaryn jáne osy baǵytta Ortalyq Aziia men Kavkaz elderinde zertteýler jasaý máselelerin talqylady.
Seminar barysynda elektrondy úkimetti damytý boiynsha praktikter Aliansyn qurý mehanizmderi qarastyryldy. «Teń teńimen» qaǵidaty boiynsha jumys isteitin praktikter Aliansy Ekonomikalyq yntymaqtastyq jáne damý uiymy (EYDU) negizindegi 60-tan astam memleketti jumyldyratyn Tiimdi institýttar tuǵyrnamasy (EIP) tásilimen qurylady.
Buǵan deiin Hab tuǵyrnamasynda qatsýshy-elder praktikteriniń halyqqa memlekettik qyzmet kórsetý boiynsha Aliansy qurylǵan. Sony nátijesinde Hab Grýziia, Ázirbaijan, Qazaqstannyń tájiribelerin kórsetetin saraptamalyq materialdar – keis-stadiler daiarlanǵan.
Astanadaǵy memlekettik qyzmet haby - aimaqtaǵy memlekettik qyzmet salasyndaǵy tájiribe men bilim almasýdyń institýtsionaldy alańy. Qazirgi tańda Habtyń qatysýshy-elderi qatarynda 38 memleket, onyń ishinde Amerika, EO, TMD, Kavkaz jáne ASEAN elderi bar.
.jpeg)