Astana memlekettik qyzmet habynyń qoldaýymen HR-menedjerler qaýymdastyǵy uiymdastyrǵan «HR! No more drama!» atty 1-shi onlain konferentsiia ótti. Sondai-aq Hab Ortalyq Aziia elderi ókilderine HR salasyndaǵy belgiialyq tájiribe boiynsha vebinar ótkizdi, dep habarlaidy "Ult aqparat".
Onlain konferentsiia jumysyna 4 elden 17 spiker qatysty. Sarapshylar týrbýlenttik kezeńde túrli salalardaǵy kadr qyzmetteriniń strategiialyq rólin talqylady.
Astana memlekettik qyzmet habynyń Basqarýshy komitetiniń tóraǵasy Alihan Baimenov óz
sózinde «qazir búkil adamzattyń basyna túsken synaq ómirdiń barlyq qyryna iz qaldyrýda», - dei otyryp, «álemniń barlyq memleketteri basty nazarda - adam, onyń ómiri, densaýlyǵy bolýy tiis degen ortaq pikirge kelgen» - dedi. Sonymen qatar, Baimenov «HR-bólimsheleriniń máni artyp keledi. Kásiporyndardyń basym kópshiliginde fýnktsionaly boiynsha bul - negizinen adamdarmen jumys isteitin jalǵyz bólimshe», - dep atap ótti.
«Jumysqa alý men kelisim-sharttardyń ikemdi shemalaryn engizý, onyń ishinde Ad-hoc, jumys kúni uzaqtyǵyn qysqartý jaiyn oilastyrý qajet», - dedi Hab basshysy. Onyń aitýynsha, kadr qyzmetteri «jumys berýshiler men qyzmetkerler arasyndaǵy senim jáne ózara túsinistik kópirine ainalýy tiis».
Konferentsiia barysynda «HR jańa syn-qaterleri» atty otandyq zertteýdiń nátijeleri tanystyryldy. «Qazir qashyqtyqtan jumys jasaý formatyna kóshý biznestiń tiimdiligine keri áser etetip otyrǵanyn kórip otyrmyz. Kópshiligi qyzmetkerlerin kompiýterlik tehnikamen qamtamasyz ete almai otyr, al eńbek sharttaryn, qosymsha kelisimder men jumys ýaqytyn esepke alý tabelderin resimdeý úshin tsifrly qoltańbany paidalanýshylar úlesi 20%- dan kem», - dep atap ótti áleýmettik-eńbek qatynastary jónindegi sarapshy Sandýǵash Iskendirova. Sonymen birge, HR-qoǵamdastyq qazirgi bulyńǵyr jaǵdaiǵa bailanysty qyzmetkerlerge qobaljý, beimazasyzdyq tán bolǵandyqtan,olardyń 80%-nyń jumysqa tiimdi at salysý yqylasy tómendegenin baiqaǵan. Bul ekonomikanyń barlyq sektoryna keri áserin tigizýi múmkin dep esepteidi sarapshy.
Konferentsiiaǵa qatysýshylar qyzmetkerler sanyn qysqartý men eńbekaqy tóleý máselelerin talqylady, jekelegen kásiporyndar mysalynda aǵymdaǵy eńbek jaǵdailaryn saqtaýdyń úzdik tájiribelerin qarastyrdy. Sonymen birge, sarapshylar basqarýshylyq jáne operatsiialyq tiimdiligin dáleldegen sandyq quraldarmen bólisti.
Al eki kúndik vebinar barsynda Federaldyq ákimshilikke arnalǵan Kadr agenttigi qyzmeti (SELOR), federaldy memlekettik qyzmette qoldanylatyn irikteý, quzyrettiliktiń federaldyq modeli, yntalandyrý, oqytý men baǵalaý tásilderi qaraldy. Vebinardyń spikeri retinde adami resýrstardy basqarý salasyndaǵy tanymal sarapshy Gúlmira Raiysova sóz sóiledi.
Qatysýshylar memlekettik qyzmetke irikteý, aqy tóleý, yntalandyrý jáne mansaptyq ósý, eńbek pen demalys tepe-teńdik saiasaty siiaqty baǵyttarǵa erekshe qyzyǵýshylyq tanytty. Mysaly, Belgiia Federaldy memlekettik qyzmeti jańa format (kovorking) pen ikemdi jumys grafigin paidalanady. Iaǵni, memqyzmetker óz qalaýyna qarai aptasyna úsh kún mindetti túrle jumysta bolýy tiis, al qalǵan eki kúnde qashyqtyqtan jumys isteýine bolady. Memlekettik qyzmetkerler ortaq keńistikte (kovorking) jumys isteidi, olardyń jeke jumys oryndary joq.
Bul vebinarǵa 120 adam qatysty. Olardyń ishinde QR Memlekettik qyzmet isteri agenttigi, ortalyq jáne jergilikti atqarýshy organdar, Qyrǵyz Respýblikasy Memlekettik kadr qyzmeti ókilderi, QR Prezidenti janyndaǵy Memlekettik basqarý akademiiasy, Ózbekstan Respýblikasy Prezidenti janyndaǵy Memlekettik basqarý akademiiasy, elimizdiń joǵary oqý oryndary professorlyq-oqytýshylar quramy men tyńdaýshylary bar.
Astana memlekettik qyzmet haby qazirgi jaǵdaida memlekettik organdardyń memlekettik qyzmetshilerdiń áleýetin arttyrý jáne olardyń qyzmet tiimdiligin joǵarylatý quraldaryn izdestirý baǵytyndaǵy umtylysyn qoldaý boiynsha jumys jasaýda.
