"Nur Otan" partiiasynyń Hatshysy Qanybek Jumashev el astanasynyń "Nur-Sultan" bolyp ózgerýine qatysty pikir bildirdi.
"Elordamyz Astana qalasyn "Nur-Sultan" dep ataýyn ózgertý týraly QR Parlamenti Májilisiniń qabyldaǵan sheshimi - táýelsiz Qazaqstannyń irgesin qalap, keregesin keńitip, shańyraǵyn biikke asqaqtatqan Ult kóshbasshysy Nursultan Nazarbaevqa degen aq peiil, shynaiy qurmet, xalqymyzdyń rizashylyǵy dep túsinemin. Qala ataýynyń ózgerýin jarqyn bolashaqqa degen jańa talpynysqa, úlken senimge, aqtalar úmitke balaǵan durys. "Astana" degen álemge tanys bolǵan brendti basqa nysandardan almai, saqtap, odan ári damyta otyryp, elordamyzdyń jańa "Nur-Sultan" ataýyn kóńilimizge toqi bereiik degim keledi. Jalpyulttyń birligi men yntymaǵy úshin mámilege kele bilgen qazaqstandyqtar bul jolyda asqan parasattylyq pen danalyqty tý eterine senimim mol", deidi ol.
