Baqyt Sultanov Astana qalasy ákimi bolyp taǵaiyndaldy. Bul týraly Aqordanyń týitterdegi resmi paraqshasy habarlady.
"Memleket basshysynyń Jarlyǵymen Baqyt Turlyhanuly Sultanov Astana qalasynyń ákimi qyzmetine taǵaiyndaldy" delingen habarlamada.
Baqyt Turlyhanuly búginge deiin QR Qarjy ministri bolyp qyzmet atqarǵan bolatyn. Al, Astana qalasy ákimi laýazymynda Áset Isekeshev bolǵan edi. Keshe Elbasy jarlyǵymen Áset Isekeshev QR Prezidenti Ákimshiliginiń Basshysy bolyp taǵaiyndaldy.
Aita ketsek, Baqyt Turlyhanuly Sultanov 1971 jyly Almaty qalasynda týǵan. Qazaq ulttyq tehnikalyq ýniversitetin jáne Qazaq memlekettik basqarý akademiiasyn bitirgen. Injener-elektrik, ekonomist.
1994–1997 jj. – Qazaqstan Respýblikasy Qarjy ministrliginiń jetekshi ekonomisi, memlekettik baǵaly qaǵazdar basqarmasy bastyǵynyń orynbasary – bólim bastyǵy.
1996-1997 jj. – Qazaqstan Respýblikasy Qarjy ministrligi janyndaǵy Qazynashylyq memlekettik qaryz jáne kassalyq qarjy basqarmasy bastyǵynyń orynbasary.
1997–1998 jj. – Qazaqstan Respýblikasy Qarjy ministrligi biýdjettik departamenti direktorynyń orynbasary, memlekettik satyp alý jónindegi departament direktory.
1998–1999 jj. – Qazaqstan Respýblikasy Qarjy ministrligi Qazynashylyq departamenti direktorynyń orynbasary.
1999–2002 jj. – Qazaqstan Respýblikasy Qarjy ministrligi biýdjettik departamenti direktorynyń orynbasary, memlekettik biýdjet departamenti direktorynyń orynbasary, direktory.
2002-2003 jj. – Qazaqstan Respýblikasy Ekonomika jáne biýdjettik josparlaý ministrligi biýdjettik saiasat departamentiniń direktory.
2003–2006 jj. – Qazaqstan Respýblikasy Ekonomika jáne biýdjettik josparlaý ministriniń orynbasary.
2006–2007 jj. – Qazaqstan Respýblikasy Statistika jónindegi agenttiginiń tóraǵasy, Qazaqstan Respýblikasy Qarjy ministriniń orynbasary.
2007–2010 jj. – Qazaqstan Respýblikasy Ekonomika jáne biýdjettik josparlaý ministri.
Memleket basshysynyń 2010 jylǵy naýryzdaǵy Jarlyǵymen Qazaqstan Respýblikasy Prezidentiniń kómekshisi bolyp taǵaiyndaldy.
2012 jyldyń qańtarynda Memleket basshysynyń Jarlyǵymen Qazaqstan Respýblikasy Prezidentiniń Ákimshiligi Basshysynyń orynbasary bolyp taǵaiyndaldy.
2013 jylǵy 6 qarashada Memleket basshysynyń Jarlyǵymen QR Prezident Ákimshiligi Basshysynyń orynbasary qyzmetinen bosatylyp, Premer-Ministrdiń Orynbasary - QR Qarjy ministri bolyp taǵaiyndalǵan bolatyn.
«Qurmet» ordenimen jáne eki medalmen marapattalǵan.
Otbasyly, úsh bala tárbielep otyr.
«Qurmet» ordenimen jáne eki medalmen marapattalǵan.
Otbasyly, úsh bala tárbielep otyr.
